منتديات مملكة الأوتار الاختلاف والتميز


إضافة رد
 
أدوات الموضوع انواع عرض الموضوع
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 01, 05:20 PM   #11
яŏ0δ7ஜ••
وتر نشيط
 
الصورة الرمزية яŏ0δ7ஜ••

 رقم عّضوَيًتِـيً » 46087  
 تاريخ آنظمآمي » 11 2011  
 مشآرٍڪْآتِي » 364  
 مواضيعي ْ »  
 نقآطيً » 62462  
 هوَآيًاتي » الشعر .. الرسم .. التصميم .. التصوير .. ووو  
 مڪْآنيً » البـــر مربآي ~  
 دولتي » Oman
 جنسي » female
 حالتي » яŏ0δ7ஜ•• غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت



غوومنس لالالا بمووووت نزلي الباجي بليييييييييييييييييز
بسرررررررعه احتضر اناااااااا


و الله صدمتيني انا اسوي كوبي بييست اخرتها اشوف ان الروايه نصها





توقيع » яŏ0δ7ஜ••
.
.
.
ي لبى شهر 5
أَحْ ـــــــبّهْ أنَاْ .. أَنّاْ أَحْ ــــــــبّهْ
||ترسل الهدأإآيا على بيتنا مباشرةً
  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 01, 05:30 PM   #12
الاسطوري
وتر لامع
 
الصورة الرمزية الاسطوري

 رقم عّضوَيًتِـيً » 46231  
 تاريخ آنظمآمي » 12 2011  
 مشآرٍڪْآتِي » 6,853  
 مواضيعي ْ »  
 نقآطيً » 63283  
 هوَآيًاتي » سفر  
 مڪْآنيً » سلطنة عمان  
 دولتي » Oman
 جنسي » male
 حالتي » الاسطوري غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت


توقيع » الاسطوري
  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 10, 07:26 PM   #13
яσм♡αиcε
من كبآإر الشخصيآإت ♖ ~
 
الصورة الرمزية яσм♡αиcε

 رقم عّضوَيًتِـيً » 15188  
 تاريخ آنظمآمي » 04 2010  
 مشآرٍڪْآتِي » 13,401  
 مواضيعي ْ »  
 نقآطيً » 1117612  
 هوَآيًاتي » أتحوؤوط بمملكتنآ آلأوتآريهه ♡  
 مڪْآنيً » مدينهه آلرومآنسيهه ♡  
 دولتي » Oman
 جنسي » female
 حالتي » яσм♡αиcε غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت

المشاركة الأصلية كتبت بواسطة яŏ0δ7ஜ•• مشاهدة المشاركة

غوومنس لالالا بمووووت نزلي الباجي بليييييييييييييييييز
بسرررررررعه احتضر اناااااااا


و الله صدمتيني انا اسوي كوبي بييست اخرتها اشوف ان الروايه نصها


ههههع أعصآبكـ
خلآص بعد شويآت بنزل آلتكملةة لعنونكـ بث

المشاركة الأصلية كتبت بواسطة majied مشاهدة المشاركة
آلعفوو أخويهه

توقيع » яσм♡αиcε
===





  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 10, 07:33 PM   #14
ريم جعلان
وتر فعّــال
 
الصورة الرمزية ريم جعلان

 رقم عّضوَيًتِـيً » 46194  
 تاريخ آنظمآمي » 12 2011  
 مشآرٍڪْآتِي » 1,262  
 مواضيعي ْ »  
 نقآطيً » 13864  
 هوَآيًاتي » كل شي احبه  
 مڪْآنيً » حيث لا مكان الا وجودي معه  
 دولتي » Oman
 جنسي » female
 حالتي » ريم جعلان غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت

يعطيج العااااااااااافية..
دووووووم مبدعه فد.......
طرررح راااقي

  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 10, 08:13 PM   #15
مرام العبري
وتر مشارك
 
الصورة الرمزية مرام العبري

 رقم عّضوَيًتِـيً » 48028  
 تاريخ آنظمآمي » 02 2012  
 مشآرٍڪْآتِي » 78  
 مواضيعي ْ »  
 نقآطيً » 1352  
 هوَآيًاتي »  
 مڪْآنيً »  
 دولتي » Oman
 جنسي » female
 حالتي » مرام العبري غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت

جمييييييييييييييييييييييييييييل

  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 11, 03:38 PM   #16
яσм♡αиcε
من كبآإر الشخصيآإت ♖ ~
 
الصورة الرمزية яσм♡αиcε

 رقم عّضوَيًتِـيً » 15188  
 تاريخ آنظمآمي » 04 2010  
 مشآرٍڪْآتِي » 13,401  
 مواضيعي ْ »  
 نقآطيً » 1117612  
 هوَآيًاتي » أتحوؤوط بمملكتنآ آلأوتآريهه ♡  
 مڪْآنيً » مدينهه آلرومآنسيهه ♡  
 دولتي » Oman
 جنسي » female
 حالتي » яσм♡αиcε غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت

منورين بنوتآت
تسسلمون =)

آلبآرت لعنون رووح آلدميلةة
^^


آلـــبــــآآرت الــســــــ{ 6 }ــــــــآآدس
هـﯙيت ﯙ للهـﯙى علـﮧ ﯙدرب العشق نزلـﮧ ﯙتل
شكيت ﯙلابيـﮧ عله ياغير المـﯙت كنـﮧ حل
فـ العزبة ..
الساعه 5:20 الفير ..
بععد صلاة الفير متعودين يتيمعون كل مرة فـ المنصه ..
عبدالله : شوابنا .. عيايزنا .. ليش ما ترمسونا عن قبل ..
بو محمد : يا الله يا بو حميد شو تبانا نقول ..؟ غير قبل غير ..
هزاع : من أي ناحية ..؟
بو سعيد : من كل شئ .. ماشئ سيايير شرات الحين .. كل اللي نباه عن طريق النوق ..
ام سعيد : ونحن الحريم كنا انش من فير الله .. نسوي الريوق ..
كملت عنها ام محمد : ونكنس الحوي .. ونغسل الثياب ..
ام هزاع : ونسير نروي من البيير .. ونجهز غدانا قبل لا يون اخوانا ولا رياييلنا ..
ام منصور : ونربي العيال .. ونعلمهم .. مب الحيين كل وحده خذت الليسن وتسير تتحوط ..
ام ناصر : ولبسنا هب شرات لبس بنات هـ الايام مرصص ولا الوانه تنشاف من مسيرة يوم ..
مهرة : يالله عاد ظلمتونا .. بنت عن بــنت تفرق ..
نورة : هيه والله .. عاد نحن محد شراتنا ..
عبدالله : عاد رمسن شو بيسكتهن ..
ذياب : صصدق بنات ..
فطامي : جب يلا .. يهالوا ويرمسون ..
مهرة : حششمي شوي ..!!
فطامي : لا تتفلسفيين ..
طالعها منصور بنظره خلتها تسكت ..
ام ناصر : ناصر ابويه اعيل حامد اخوك ما اشوفه وينه ..؟!
الشباب كلهم طالعوا بعض .. ما يعرفون شـ يردون عليها .. وخاصةً انه قلب ام يحس بكل شئ ..
بو محمد : بلاكم ..؟ .. صاير شئ نحن ما نعرفـه ..!!
راشد : أأ .. لا .. بسس .. يعني .. أأ ..
كمل عنه مايد : مساعه ظهر .. قال عنده شغل ويمكن يتأخر أأشوي .. < في هالمواقف محد احسن عنه ..
بو محمد : هييي ..
ام ناصر : شو شغله بعد الحيين ..!!
قاطع كلامها رنة تلفوون ناصر ..
ناصر : يالله حد يتصل الحينه بععد ..!! " ورد ع الفون "
..: آلسسلآم عليكم ..
ناصر : وعليكم السسلام ورحمة الله ..
..: أنته ناصر بن راشد الـ ... ..؟؟
ناصر : هي نعم .. انا هو .. منو معايه ..!!
...: أنا آلضابط خالد ..
ناصر " بدا يخاف وكل العيون الموجودة اطالعه " : ضآآبط .. شالسالفة !!
الضابط : والله يا خويه ما عرف شقولك .. !!
ناصر : يا خويه قول اللي عندك تراني بديت افقد أعصابي ..
الضابط : هد هد .. حامد بن راشد الــ ... يصير اخوك ..؟
ناصر " حس انه شئ فـ اخوه وقام وقف والكل خايف " : هيه حامد اخويه .. شالسالفه شاللي صاير ..؟!
الضابط : أخوك سوا حادث فظيع .. والحين هو فـ مستشفى الشيخ خليفة فـ أبوظبي ..
ناصر " وهو يصارخ " : شووووووووو ..؟!
الضابط : والله هذا اللي صار .. وما اروم اقول اكثر .. وتعال بروحك وتأكد .. " وبند الفون "
ناصر " بدوره ركض لين الخيمة ياب سويج السيارة وشغلها وروح والكل محتششر يبا يعرف شو السالفة واللي خايف واللي واللي .. وراشد شغل سيارته ولحقه .. "
وصل المستشفى وركض لين الاستقبال وراشد يلحقه .. وصل لين غرفة العناية المركزة ولقا الضابط والدكاتره ..
ناصر " وهو يتنفس بسرعة بسبب الركض " : قولوا لي .. اخوي .. اخوي ويين ..؟
راشد : ناصر هد هد .. بيخبرونه كل شئ ..
الضابط : انته ناصر ..؟
ناصر : هي انا هو قولي شالسالفه ..؟ بلاه حامد ..؟ شاللي صار ..
الضابط : اخوك سوا حادث فظيع ع الساعه 3 إلا ربع الفجر .. حسب المعلومات اللي انكتبت كان مسرع بـ سسرعه جنونيه .. لدرجة انه يوم صدم عمود الليت اللي فالشارع .. نطر من الجامه الامامية .. ليين بعد الرصيف .. اما عن السيارة فـ انفجرت .. والحمد الله انه ما كان بعده فـ السيارة والا الحيين هو جثة متفحمه ..
" ناصر ما قدر يسمع اكثر .. تم يرد ع ورا وايده محطهنا على اذنه .. ويصارخ ودموعه همايل .. ليين لصق فـ اليدار وتم ينزل شوي شوي ع تحت .. "
ناصر " وهو يصارخ " : مسسستحيل .. كل اللي تقوله جذب .. هذا مب اخويه اكيد مب اخويه ..
راشد " يقاطعه " : ناصر بس بس .. عنبو انته ريال وتقول جي .. اعيل الحريم يوم بيعرفن شو بيسون ..؟!
ناصر : راشد كله مني .. كله مني .. لييت انقصت ايدي ولا مديتها عليه .. انا السسببب ف الحادث انا السبب .. ابويه مامنني عليه وانا اضربه .. هذا اخوي .. عايش حياتي كلها وياه ..كيف تباني الحيين وبسهولة " ما رام ينطق الكلمة " .. " وبكل ضعف " لو مات ما اسامح عمري ما اسامح عمري ..
راشد " نزل لمستواه وعطاه كف بس مب قوي" : ع كييفك تتفاول عليه .. " يصارخ " ع كييفك .. حتى لو انت ما مدييت ايدك عليه .. والله كاتب انه يسوي الحادث بيسويه .. ولو الله كاتب انه يموت بيموت .. الحين امك ولا اختك اذا دروا شو بيسوون هاه .. اذا انته جي ضعيف .. هن ما باقي الا يعقن عمرهن من فوق بنايه .. انته الحيين المفروض تكون واقف وياهن .. وهن لو سارن فوق او تحت بيعرفن بيعرفن .. فـ هالوقت يحتاجن سسند .. تعرف شو يعني سند .. انت بدورك تربت على جتوفهن وتفهمن انه هذا قضاء وقدر .. وبدعواتنه له .. بيصييير احسسن بإذن الله .. ولو ما فاد العلاج اهنيه .. بيفيد برع ..
ناصر " وهو يوقف بمساعدة راشد ويطالعه " : انخبرهم ..؟
راشد : هيه لازم وبعدين حرقوا فوني تراهم ..
اتصل راشد لأبوه .. وهم بعدهم يالسين فالعزبة وما تحركوا ..
بو محمد : عنبو يا راشد جاني ادقلك من متى وما ترد ..
راشد : اسمحلي يا بويـه ..
بو محمد : شئ صاير صح ..؟
راشد " يتنهد " : الله يقوومه بالسلامه ..
بو محمد " وهو بدا يعلي صوته وكلهم يطالعونه " : شسالفه يا راشد .. قول شو مستوي .. ؟
راشد : حامد مسسوي حادث .. والحين هو بـ مستشفى خليفى فـ قسم العناية المركزة ..
بو محمد " وهو متفاجأ " : شوووووو ؟
راشد : هذا اللي صار والله ..
بو محمد " يمسك راسه " : لا حول ولا قوة إلا بالله العلي العظيم .. " وسكر عنه التلفون " ..
ام ناصر " وهي خايفة " : حامد فيه شئ .. صاير فيه شئ صح ..؟ < قلب الأم
بو محمد " وهو يرفع راسه " : ولدج حامد مسوي حادث والحين هو فـ المسستشفى ..
حمده + عبدالله " متفاجئين " : شووووو ؟ .. " والكل خايف ومتوتر ومستغرب و يطالعون بعض " ..
ام محمد : يالله تستر علينا .. يالله تستر علينا ..
ام سعيد " وهي ادمع " : شو ياه ما قالولك شسالفه ..؟
بو محمد : لا راشد قال انه مسوي حادث وهو فالعناية المركزة ..
ام ناصر " وهي تصيح " : وييلي عليك .. يا وليدي .. يا حشاشة يوفي .. قوموا ودوني عنده ..
بو محمد : الله يهديج يا ام ناصر .. شو يسيرج مستشفيات الحيينه ..
ام ناصر : والله ان ما وديتوني عنده لـ اييبلي تكسي واسير بروحي ..
ام منصور : اسستغفري ربج .. استغفريه بنودييج ..
بو سعيد : خلاص يا بنت الحلال هدي .. بنوديج ..
..
قاموا كلهم وشلوا الاغراض بسرعه .. وركبوا البنات وشلوهم الشباب ..
وصلوا بيت قوم محمد .. الشباب نزلوا البنات .. وساروا كلهم المستشفى .. ما عدا ذياب ومايد خلوهم اييلسون عند البنات .. عسسب انه محد عندهن ..
و بو محمد شل ام ناصر و حمدة وروضة وحرمته و ام منصور .. وبو سعيد شل ام سعيد و ام هزاع وبو هزاع كلهم بسيارة .. بو سعيد يسسوق .. وحذاله بو هزاع .. وام سعيد تصيح ورا ع ولد اخوها وام هزاع تهديها ..
واما عن ام ناصر وحمده .. ام ناصر تصيح وروضة وام منصور تهديها .. وحمده تصيح وروضة تهديها .. لانها يالسه فالنص من بينهن .. وهي بروحها تبا تصيح .. على حب حياتها .. على القلب اللي هوته .. على القلب اللي تمنته .. طول حياتها .. لكنها تلاشت بـ قرار من جانب الأهل .. والحيين مالها الا الدعاء انه الله يقومه بالسلامة ..
وصلوا المستشفى .. سألو الرسبشن عن حامد وقالولهم عن مكانه ..
اللي كانوا موجودين .. ( بو محمد, , بو هزاع " بو خليفة بس اكتب بواو ام هزاع لانه هو له حركه اكثر عن خليفة بتكون فالقصه " , بو سعيد , ام محمد , ام ناصر , ام سعيد , ام هزاع , ام محمد ام منصور , محمد وسعيد وخليفة , هزاع و عبدالله و منصور , وروضة وحمده )
راشد التفتت يمينه .. شاف جيش بريطانيا كله ..
راشد " يزاعج ومحطي ايده ع راسه " : يالله يا ابويا قلت لك شو مستوي .. والمكان .. واثاريك يايب الجيش كله !! .. والله مستشفى و الله ..
عبدالله " معصب " : مب وقت مصخرك .. قول شاللي صار ..؟
راشد : مب وقت زعيجك .. واحترم بعد .. لا افنجرك " اطلعك " برع الحينه ..
سعيد " معصب عليهم " : انتوا حششموا شويه .. المكان مب مكان ضرابة .. عنبو ما حشمتوا ابويه ولا اعمامنا ..!!
راشد + عبدالله " نزلوا روسهم يعرفون عمرهم غلطانين .. "
ام ناصر" تركض وهي تصيح عند ناصر اللي يالس ع الكرسي ومتجتف " يعني ضام ايده الـ 2 لـ صدره" .. وتيلس ع ريولها عشان توصل مستواه .."
ام ناصر : حلفتك الله يا بويه .. قولـ .. قولي شو فيه اخوك .. شاللـ .. شاللي صار .. " وطيح مغمي عليها " ..
ناصر " وهو يزاعج " : امااايه .. " والتموا عليها كلهم .. وزقروا السسترات .. حطولها مغذي .. وعطوها أبرة مهدي .. وسارن الحريم والبنات معاها فالحجرة .. وتموا الشباب والشواب برع غرفة العناية المركزة .. يتريون الدكتور يطلع .. وبالفعل بعد كم دقيقة طلع الدكتور من غرفة العناية المركزة .. وهو متضايج "
. . كاات شوي < اتحرقصصوا هع
.
.
فـ العين عند البنات ..
" متحرقصات يبن يعرفن شـ صار .. "
نورة : مهرة دقي حق روضة ولا حمده .. شوفيهم شو الاوضاع ..
مهرة : دقيت حق محمد ومارد عليه ..
فطامي : وانتي ان شاء الله ليش تتأمرين ..؟
نورة : وانتي شو يخصصج ..؟
فطامي : حد ييلس وياكن انتن اسير برع ابرك ..
نورة : بتفكينا منج ..
فطامي " طالعتها بنظرة وروحت " ..
عليا : مختلة عقلياً هاي البنت ..
مهرة : نورة لا تزعلين منها .. هاي ياهل .. امسحيها بويهي ..
نورة " تبتسم " : عادي ما تهمني .. كلامها لا يودي ولا يييب ..
مهرة " تردلها الابتسامه " ..
فطيم : اعيل وين اليهال .. ما اشوفهم ..!!
ريم : رقدوا فالحجرة .. من سرنا وهم ما يلسسوا ما شاء الله عليهم ..
نورة : هي والله .. يالله وحده منكن ادقلهم اتشوفهم .. شو الاوضاع عندهم ..
برع عند فطامي ..
لمححت واحد يالس ف الحديقة عند الكراسي الخشبية .. سارت ويلسست احذاله .. مع انه في 4 كراسي خشبية طويلة .. وطاولة زجاجية فالنص .. بس هي إلا تيلس احذاله ..
فطامي " بدلع " : اقوول ميود.. انته شو البي بي كود مالك ..
مايد " صد عنها الطرف الثاني يعرفها مطيحه الميانه ويا أي حد " ~ اففف ابتليت فيها هاي .. الناس فـ حاله ومستشفيات وصياح .. والاخت " يقلدها " ميود .. انته شو البي بي كود مالج .. يابوا كعود وحطوهن فوق راسج قولي اميين ..~
فطامي : إيييه انته .. انا اكلمك وين انت ..
مايد " ع نفس الوضعية وطنش تعش تنتعش " ..
فطامي "مدت ايدها وزخت ذقنه وخلت ويهه يجابل ويهها " : ميودي عاد .. اكلمك انا ..
مايد " عصصب و وقف ويلس يصارخ عليها " : أنتي .. أصلا الحشيمة مب لج .. الحشيمة لهلج .. اششوفج إلا مطيحه الميانه ويا أي حد .. قلنا اكبر عني واحترمج .. وبينا كم كلمة .. عاد تتمادين ..!! لين اهنييه وبس .. ذاك اليوم عيني عينك حدامهم وقلتيلي ميود .. والحين ماده ايدج وتلفين ويهي .. ما باقي غير .. تقوميين وتبوسيني .. مـب كل مره بسكـ .. ( بسكت )
فطامي " قاطعته وابتسمت ابتسامة خبث " : عادي حلاته ..
مايد : قصصورج بعد .. يعلني بلا ذا الشيفه .. " وروح عنها " ..
فطامي : شو هالناس المتعقده ..؟! .. الواحد يستانس بالحياة .. افف .. ادق لـ حمودي احسسن .. يسمعني كلام حلو بدال هالكلام السسم .. " واتصلت له " ..
فطامي " بدلع متصنع " : هلا والله .. صباح الخيير قلبوو ..
محمد : اهليين .. وافدييت هالصوت اروح وططي انا ..
فطامي " بضحكهودلع متصنع " : ههههههههه .. بسم الله عليك حياتي ..
محمد : انا زعلان منج وااااايد ..
فطامي : افاا حياتي ليش ..؟
محمد : ادقلج امس ما تردييين ..
فطامي : والله سوري .. بس كنت مع الاهل ..
محمد : لا تحاولين لاتحاولين .. ما بتراضيني الا بشئ واحد ..
فطامي : امر .. قلبي كله لك انت وبسس ..
محمد : ابييج تيني الشقه ..
فطامي : اممممم بس انا الحين مب فـ ابوظبي انا عند اهل امي بـ العيين ..
محمد : انزين يوم تردين اوك ..؟
فطامي : اوك حياتي ..
محمد : عيل يلا اخليج انا ..
فطامي : اوك حياتي .. بباي
محمد : بباي .. "وسكروا " ..
محمد : اوووك يا فطييم .. يبت راسج .. بس باقي انج تيين عندي .. " وضحك ضحكه شيطانيه " هههههههاي ..
.
.
داخل عند البنات ..
" دخل مايد وهو معصب ويلس حذال ذياب اللي يالس يطالع التيفي .. "
ذياب : بسسم الله .. بلاك حريجه .. اووووووووووووف " اونه ينفخ عليه " ..
مايد " طالعه بنص عين " : مب متفيج لك تراني ..
ذياب : يعني ما فادت الـ اوووووف .. خلاص بييبلك ماي بارد ..
مايد : هيه والله بتسوي فيني خييير ..
" سار ذياب اييب ماي بارد وصبه على مايد "
مايد " وقف وهو مجمد لانه الموقف يخوف .. انته مندمج فـ فلم وييي حد ويصب عليك ماي بارد فـ جو بارد بعد " : يآآآآ حمآآآآآر ... قتلك ابا ماي شررب .. مالت عليك .. ومالت عليه اللي يالس وياك " ويسوي على ذياب وعليه مالت " ..
وكل اللي فالصاله يضحكون ع الموقف ..
.
.
فـ المستشفى < حلفت عليكم توقفون تحرقييص ههه
طلع الدكتور من غرفة العناية المركزة .. وهو متضايج
نطوا كلهم عنده ..
بو سعيد : ها دكتور طمنا ..
الدكتور : والله ما اعرف شقولكم ..
عبد الله : دكتور لا توترنا قولنا شو استوا به حامد ؟؟
الدكتور : والله حامد الحادث اللي سواه فظييع .. عنده ارتجاج فـ المخ .. وكسور فـ الجتف والإيد اليسار .. والارتجاج بيأدي إلى انه ينسى اشياء وايد فـ مدة قصيرة ومع العلاج والادوية بيرد المخ لعمله الطبيعي .., لكن حامد ياه ارتجاج من الدرجه الثالثه يعني يفقد الذاكرة والوعي لمدة يوم او اكثر .. وبعد ما يرد ع حالته الطبيعية راح يعاني من الارهاق والارق والتعب .. الكسر اللي فـ جتفه بنسويله عملية بسيطه .. بسس
ناصر " وهو منهد حيله " : كمل دكتور لا تسكت ..
الدكتور : فوق كل هذا اللي اتعرض له عنده نزيف داخلي ف المخ .. بنسوي له جراحه بس نسبة نجاحها 40 % .. والنسبة جداً ضئيلة .. وإذا تبون انسويله جراحه تعالوا وقعوا ع الاوراق وكل شئ راجع لكم .. نحن محطينه تحت الملاحظه عشان نشوف اخر التطورات والاشياء اللي بيستجيب لها ..هاي اخر الاشياء .. والله يقومه بالسلامه .. " وراح "

راح بعد ما خلا الكل مندهش ومتفاجأ .. راح بعد ما زرع الخوف و التوتر ف قلوبهم .. راح بعد ما خلا ناصر يلووم نفسه انه ضربه .. راح بعد ما خلا رفيق درب حامد يتمنى الموت ولا يسمع جي عنه واللي هو عبدالله .. راح بعد ما خلا بسمتهم تتلاشى لما سمعوا بالاخبار الاولى .. راح بعد ماخلا قلوبهم خايفة ومتوترة بعد ما كانت عليها غيمة بيضة و استوت سودة .. بالنسبه لأي حد نزيف المخ يعتبر عندهم مووت مؤكد وحتمي .. لكن بـ إرادة الله كل شئ يصير ..~

بو هزاع : حد يسسير يخبر الحريم هناك ..
سعيد : أنا بسسير .. " وسار " ..
عند حجرة ام ناصر و الحريم ..
طق طق طق طق ..
ام هزاع سارت تفتح الباب ..
ام هزاع : هلا ابويه ادخل .. " دخل سعيد "
ام سعيد : ها يا بويه طمنا شو قالوا عنه ..؟
سعيد " خبرهم السالفة " ..
ام ناصر : يا ويلي عليك يا ولديه .. كيف تباني اعيش حياتي من دونك ..
ام محمد : استهدي بالله يا ام ناصر .. الولد الحين محتاج دعائكم اكثر عن اي وقت ثاني ..
كان حال الحريم : اللي تستغفر , وتصيح , وتهدي الباقين , وتدعي , اما عن حمده كانت طايحة فـ حضضن روضة واتصصيح بفظاعه .. تحس عمرها هي سبب الحادث .. لانه كان في حاله يرثى لها وهي زادته ..
ناصر يحس انه هو سبب الحادث .. وحمدة كذلك .. لكن حتى لو لاموا عمرهم .. لا فات الفوت ما ينفع الصوت ..
حمدة " وه اتصيح واتشاهق " : روووضة .. انا .. انا السسبب .. ليتني ما عاتبته .. بسبب حبه وبسببي انا لاني قلتله كلام سم ..
سوا حادث .. لو مات .. لو مات كيف تبيني اعيش حياتي وانا الوم نفسسي .. آآخ يا حاامد .. " واتصيح "
روضة " ودموعها تنزل بهدوء على حال حمدة و حامد " : بس يا حمدة بسس .. الله حب انه يخليه يسوي حادث عشان يشوف مدى صبركم .. الحين انتوا لازم تدعوله .. مب اتصيحون .. الصياح عمره ما فاد شئ .. لو اللي ماتوا صحنا عليهم من اليوم لـ 100 سنة ما بيرد يحيا صح ولا لا ؟ .. استغفري ربج و ادعيله ..
حمدة " تمسح دموعها " : مششكورة يا روضة ..
روضة " تبتسم " : ما بينا شكرر .. انتي اكثر من اختي ..
..
فـ العييين
عند البنات ..
عليا : ريموه دقي حق خليفة شو فيه شو قالوا يمكن يرد عليج ..
ريم : بشوفه .. " واتصلت " ..
ريم : ألوو ..
خليفة : ها ريم ..
ريم : شو قالولكم عنه ..؟!
خليفة " وهو منهد حيله خبرها السالفة .."
ريم : يالله تقومه بالسلامة .. انزن حبيبي خذولكم حجرة جريبة منه وارتاحوا فيها ..
خليفة : ان شاء الله .. " وسكر عنها " ..
..
فطييم : ها شو قالج عنه ..
ريم : الله يقومه بالسلامة ان شاء الله ..
نورة : ريموه لا تخلينا على اعصابنا .. قولي ..
ريم " خبرتهم السالفة " ..
نورة " تششهق " : هيييييييأ .. الله يعينا .. الله يقومك بالسلامه يا حامد ..
الكل : اميييين ..
ذياب : اييه يوعان تراني سيرو سوولي ريوق عدل ..
فطامي : نشتغل عندك اخ ذياب ولا نشتغل عندك ..
ذياب : امممم اختار نشتغل عندك الثانيه ..
فطامي : شهالسخافة اللي فيك ..
ذياب : عيل ما دامج رمسستي انتي اللي بسويلي ريوق ..
فطامي : تخسسي .. ما ناقص الا ادخل مطابخ ..
ذياب " سار و زخها من شعرها عاد كله ولا شعرها " ..
فطامي : آآآآآآآآي يا كبشششششش لا تزخ شعريه ..
ذياب : كبش ها كبش " ووداها لين المطبخ عسب اسويله الريوق ومايد يضحك عليها عشان تنقهر وهي اطالعه بنص عين "
بعد 10 دقايق ظهرت من المطبخ مسويه بيضة اطرافها محروقه وخبزة صمون ..
يوم شاف ذياب الاكل جي جان يصارخ عليها " : تستهبليين انتي .. الريوق حقي وحق مايد ومسويه بيضة وحده ومحروقه بعد ..!!
مايد : ههههههه يلا سيري سوي غيره ..
فطامي : ما بسوي ..
ذياب زخها من شعرها مرة ثانيه : سيري سوي اقولج ..
فطامي : خلااص خلاص بسسوي .. افف " وسارت المطبخ مرة ثانية " ..
والكل يضحك عليها وعلى ذياب اللي مصخرنها ..

..

توقيع » яσм♡αиcε
===





  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 11, 03:41 PM   #17
яσм♡αиcε
من كبآإر الشخصيآإت ♖ ~
 
الصورة الرمزية яσм♡αиcε

 رقم عّضوَيًتِـيً » 15188  
 تاريخ آنظمآمي » 04 2010  
 مشآرٍڪْآتِي » 13,401  
 مواضيعي ْ »  
 نقآطيً » 1117612  
 هوَآيًاتي » أتحوؤوط بمملكتنآ آلأوتآريهه ♡  
 مڪْآنيً » مدينهه آلرومآنسيهه ♡  
 دولتي » Oman
 جنسي » female
 حالتي » яσм♡αиcε غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت

آلــبـــآرت آلــــســـ { 7 } ــــــآبـــــع ... .. ~
{ ﯙش تسـﯙي لـﯙعشقت انسـآن مـآهو من نصيبك
لا لك بهالوضع يد.. و لا لـﮧ بهالوضع سبـﮧ !! }
فـ المستشفى ..
الساعة 11:30 ..
فـ حجرة ام ناصر والحريم ..
ام ناصر : قوموا ودوني عند ولديه ..
روضة : يا خالوه وين بتسيرين الحيين .. فاقد الوعي وما يدري باللي حوله .. تراهم يو وقالوا لنا عنه .. ونحن ما نروم نسوي شئ غير ندعي له ..
ام ناصر : ودوني عنده بس بشوفه .. دخيلكم بطمن عليه .. بس نظرة دخيلكم ..
" تمن يطالعن بعض الحريم .. كان شكلها يغمض .. كانت مثل الياهل تتوسل .. "
حمدة : انا بسسير ازقر لها ناصر يمكن يهديها ..
روضة " مجرد اطالعتها بنظرة عادية كأنها موافقتنها على هالشئ " ..
طلعت برع و سارت تزقر ناصر .. ويوم وصلت عندهم طالعها راشد بنظرة يعني شو تسوين اهنييه .. عطته طاف لان كل همها الحيين امها ثم امها ثم امها .. توجهت صوب ناصر .. كان ويهه شاحب وتعبان و عيونه تبوح بكل التعب واللووم اللي فييه ..
حمدة : ناصر أماية حاشرتنه تراها تبا تيي عند حامد .. تعال قوللها شئ وهدها ..
ناصر " تنهد واطالعها بس وقام بكل تعب واتوجه لحجرة امه واخته تمشي وراه " ..
طق طق طق ..
ام محمد : قومي اماية روضه شوفي منو ع الباب ..
روضة : إن شاء الله .. " وسارت تفتح الباب "
ناصر " أطالعها بعيون تعبانه للحظات ولف نظره بعيد عنها " : هود هود ..
ام سعيد : هدا .. ادخل يا ابويه ..
ام ناصر : يا بويه الحق عليه هذيلا بيجتلني ما يبني اسير اشوف ولديه .. انا ادري انه ولديه بخيير ادري .. انتوا بس اجذبون عليه وتقولولي جيي .. ( اتصيح ) اصلا هو ما فيه شئ الدكتور يقص عليكم .. ودني عنده .. ولا خله اييني بشوفه ..
الكل يطالعها وهو مستغرب .. وحزينين على حالها اللي انجلب ..

ناصر : اماية لا تزيديني .. انتي بدال صياحج وكلامج اللي لا يودي ولا ايييييييب .. ع الاقل قومي صلي وادعيله ان الله يشفيه ويعافيه .. انتي مؤمنة بقضاء الله وقدره .. وهذا ابتلاء من رب العالمين يختبرنا فيه .. وانتن تصايحن ..!! .. وجان تبينا نوديج بنوديج اطالعينه بس اتميين هاديه ..
ام ناصر : انزين انزيين بتم هاديه بس بسير اشوف ولديه .. " ولبست عباتها وطلعت وياه "
" وطلع معاها وهو مضايج على حال امه واخوه اللي ما يدري شو مصيره .. دخلوا قسم العناية ورد عندهم وين متيمعين ويلس ع الكراسي اللي كانن مجابلات حجرة حامد .. كانوا كل مرة يطلعونهم برع القسم ويردون يدخلون لانهم ماشاء الله جيش مب واحد ولا اثنين .. اما عن امه فـ لصصقت بالزجاج .. ويلست أطالع ولدها اللي ماتم واير مب محطينه عليه .. ومال الاكسجين وصوت آلة تخطيط آلقلب .. كانت تصيح بهدوء وتدعيله أنه الله يشافيه .. أما عن الباقي ساروا خذوا حجرة فاضية جريبة من قسم العناية عشان اييلسون فيها .. لين يقوم حامد بالسلامه .."
..
فـ آلعيين ..
عند البنات ..
{ ملآحظة : مهرة حرمة محمد بسميها مهرة .. ومهرة أخت فطامي بسميها مهروه .. عن آلخربطه بس }
الساعه 12:10 ..
آلله أكبر .. آلله أكبر ..
الجميع : آلله أكبر وأعظم ..
فطيم : مآ شآء آلله أذن من وقت ..
عليآ : لآآزم آلحييين شتاء ..
نورة : يساوي ليلٌ طويل ونهار قصصير ..
مهروه : عآآشت أبلة فتحية ..
نوورة : إذآ أنآ آبلة فتحية إنتي آبلة حمدية ..
عليا : ههههههههههههههه .. أهلاً بأبلواتنا أهلا ..
ريم : قططعن يلا وقوومن صلن ..
نورة : حآآضر ..
عليا : إن شآء آلله ..
مهروه : على أمرج ..
مهرة : يآلله حتى هآآي آلعآقله .. خليتنها هبلة شراتكن .. { تقصد مهروه }
نورة : أفآ يآ أختي أفآ انا ألحيين هبلة ..؟!
فطيم : يلآ خلصنا قومن بنصلي .. " وسآرن يصلن .. "
..
" مايد توضأ وخلص وألحين بيطلع من البيت بيسير يصلي .. وقف عند الباب وهو عاطنهم ظهره لانه الشيخه فطامي منسدحه ولا محشمه .. وهو يرمس ذياب .."
مآيد " وهو يصارخ عشآن يسمعه " : خل عنك التلفونات وهالخياس وتعال صل ابرك لك ..
ذيآآب : يلآ يآي .. يآي ..
فطآآمي "طايحه وتلعب بالبي بي وبكل برود " : اوه ميود .. أشوفك مستوي مطوع .. مساعه كنت تلمسسني وعلى معصية وآلحييين آونك ساير تصصلي .. عجييب أمررك ..
مايد " وهو منصدم من كل اللي سمعه .. هي اللي كانت تتحرش فيه وترمسه وتلمسه والحيين كل شئ ع راسه .. فتح عيونه ع وسعهن والتفت صوبها وهو معصب بس يبا يرمسها مثل ما ترمسسه .."
مايد " وببرود أقوى عن برودها " : لاه ..؟ .. صدق ..! صدق ..! أنآآ أصلاً مآ أتشرف ألمس وحده يمكن حد لامسنها قبلي او " شد ع الكلمه " بيلمسها .. واصلا انتي مجرد مطبة فـ حياتي يعني ما تهميني لو شو سويتي .. وبعدين البنت اهم شئ سمعتها وشرفها اما الولد يضل ولد عادي .. " وراح عنها بعد ما فجر قنبلة فـ وييها ’ وهي تقول فـ خاطرها : هذا مستحيل يعرف , شكله يخمن ,, ليش اعطيه اهمية اكثر من اللازم ’ .. طلع ذياب من الحمام لانه كان يتوضأ ولو سمعهم بيروحون فيها 2ـهم بس فطامي اكثر لانها بنت ..والبنت محسوب عليها كل شئ صغير او كبير كان .. "
ذياب " يمشي ويطالع فطامي وهي مستغربه كيف كان شكلها وهو يرمس بصوت خفيف " : بسم الله بلاها هاي حد حنطها شوه .. وو دبووووووف " دعم الباب " آآح يعلج يا فطيم .. كله منج .. "
" أما هي ما سوتله سالفة وسآرت فوق عنه .. طلع ذياب وصل المسسيد وصلوا هو مايد وردوا البيت .."
..
فـ ابوظبي ..
فـ المستشفى ..
نفس الوقت بعد أذان الظهر ..
قامن الحريم يصلن ويدعن بسجودهن بعد الفرض والسنة لـ حامد ..
أما عن رووضة كانت كل ما تسجد تدعيييله ودموعها تمشي بحريه على خدها .. كانت مرتاحه انه محد بيشوف دموعها لانهم كلهم يصلون ويدعون وملتهيين وخاشعيين .. ابد ما توقعت فـ يوم انه جي يستوي .. تحبه وقلبها خايف عليه اكثر حتى من امه .. وبالنسبه لها اذا غاب عن الحياة لا أمل جديد ..~

عند الرياييل ..
صلوا وخلصوا ويلسوا ف الحجرة الفاضية ..
طلعوا الشباب وساروا قسم العناية .. والمفاجأة لقوا الحريم هناك ..
راشد : استغفر الله انتن شو اتسون هنا ..؟
منصور : خلهن راشد خلهن .. خ يشوفنه عشان يرتاحن وما يتمن حشرة ..
هزاع : انزين خ يشوفنه بس الله يهديهن الا يصايحن و ينوحن ..
سعيد : حرَيْم تراهن ..
خليفة : انزين فكونا .. نحن ما لازم نكون وايدين جيه .. برد انا وامايه وابويه وبنخطف هناك بنشلهم وبنويه دبي ..
هزاع : انا مابرد ..
خليفة : برايك انا برد عشان دوامات باجر ولا اصلا مب راد ..
منصور :انا بعد امايه هنا وخواتي هناك ياربي ..
محمد : انزين سير هات خواتك وتعال شل امك وويه ..
منصور : هي والله فكره .. ويبوك مب من بعد المستشفى فرة حصاه بفر خواتي البيت وبييكم ..
محمد : وانا بشل امايه وبردها البيت بعد محد هناك ..
ام محمد : انا مب سايرة ..
محمد : امايه كلهم بيروحون ومحد بيتم ف البيت هناك غير حرمتيه .. بترتاحين وبييبج الفليل ..
سعيد: وانتي اماية ما بتسيرين ..؟
ام سعيد :لا مب سايرة جان تبا شل ابوك وسيرو انا مب متحركه من هنا لين يطلع حامد بالسلامه ..
الكل : الله يقومه بالسلامه ..
ناصر : امايه وحمدوه جان تبن تسيرن بخلي " ما انتبه على عمره " حامد يوصلكن ..
" الكل التفتت يطالعه مستغربين وهو نزل راسه عقب ما استوعب انه غلط يوم قال هالشئ .. "
عبدالله " ما قدر يتحمل اكثر عن اللي تحمله .. وسار صوب ناصر وزخ كندورته صوب رقبته ولصقه ع الايدار وهو يصارخ عليه " : يا سلام عليك .. مسوي عمرك الحنون و الطيب .. وانت اصلاً سبب طيحته اهنا " يصارخ اكثر " انته شفت حالته اول ما دخل علينا الخيمة وحاضرك زدته وحصل منك هذاك الكف .. والحين هو طاح بين الحيا و الموت والسبه انت .. " وعطاه بوكس وطلع الدم من حلجه .. وتيمعوا كلهم يحايزون يوم وصلت السالفة للضرب .. ودخل عليهم الدكتور وهو محرج .. "
الدكتور : الحيين كلكم تظهرون برع .. خليناكم اكثر عن 2 تدخلون وبعد مسوين مناحه وحلبة مصارعه .. قلنالكم فـ قسم العناية المركزة المفروض هدوء وما شئ هدوء وسكتنا والحيين ممنوع أي حد يدخل .. " كان بينط عليه عبدالله يضربه بعد .. بس زخوه الشباب ولا بتستوي مشكله كبيرة .. وظهروا كلهم .. الحريم ردن حجرة ام ناصر .. والشباب ساروا عند الشواب .."
خليفة : يلا ابويا بنسير نحن ..
بو هزاع : يلا ويهنا.. اسمحولنا عاد ع القصور .. والله يقومه يالسلامه وبنيه باجر ان شاء الله ..
بو محمد : ما عليك قصور يا بو خليفه .. رافقتكم السلامه .. " وظهروا "
سعيد : ابويه برد انا تراني .. بتي ويايه ..؟
بو سعيد : وامك ..؟
سعيد : اماية ما طاعت قالت شل ابوك جانك بسير ..
بو سعيد : يلا عيل .. نترخص نحن بنسير ..
الكل: الله يحفظكم .. " وطلعوا "
منصور : انا بعد بسير اييب خواتي وبرد .. طمنوني عليه اذا في شئ يديد ..
الكل: إن شاء الله .. " وطلع منصور .. واللي بقوا بس بو محمد وناصر وراشد وعبدالله وهزاع .. "
فـ حجرة الحريم .. " اللي بقوا ام ناصر وام سعيد وام منصور وام محمد وروضة وحمدة اما ام هزاع ردت دبي .."
طق طق طق ..
سارت روضة تفتح الباب ..
منصور : أزقريلي اماية ..
روضة : إن شاء الله .. " وسارت تزقر ام منصور .. وسارت ام منصور عند ولدها برع .."
ام منصور : خير يا ولديه شو بلاك ..؟
منصور : اماية انا بسير العين بييب خواتي وذياب ..
ام منصور : انزيين بس اتقف ولا تسرع ..
منصور : إن شاء الله .. " وروح "
محمد : خالتيه لو ما عليج امارة ازقريلي اماية قوليلها بنروح ..
ام منصور : ان شاء الله يا ولديه .. " وردت داخل "
ف الحجرة ..
ام منصور : شويخ ولدج يترياج برع بتسيرون العين ..
ام محمد : انزين .. " والتفتت لـ روضه " اماية ما بتسيرين ..؟
روضة : لا اماية بتم ويا حمده .. والفليل يوم بتون برد وياكم ..
ام محمد : زين زين .. يلا اترخص بنيي الفليل ان شاء الله ..
الحريم : مرخوصه .. الله يحفظكم ..
{ خليفة شل امه وابوه وسار العين عشان يشل اخته واخوه ويروحون دبي .. ومحمد شل امه وروح العين .. ومنصور سار العين عسب اييب خواته واخوه ويوديهم بيتهم فـ بوظبي .. سعيد شل أبوه وسار العيين .. }
.
.
دخل الدكتور غرفة الشباب اللي ايلسون فيها مؤقت ..
بو محمد : ها دكتور طمنا شو آخر الاخبار ..؟
دكتور : والله الحينه هو محتاي عملية ولازم انسويها بأسرع وقت ولا بتسوء حالته واتعرفون شو النتيجه بعدين .. اتشاوروا وتعالوا هناك وقعوا على العملية وبنسويها إن شاء الله .. " وطلع عنهم .."
فهالوقت لازم يفكرون عدل هذي العملية تحديد مصير .. إما إنقطاع نفس من انفاس الحياة أو مواصلة هذا النفس باقي الحياة .. بكلمة وحده ونقطه من الحبر سيتم تحديد مصير حامد ..
عبدالله : الحيين شو ..؟
بو محمد : لازم انسويها شدراكم يمكن الله كاتب انها تنجح ..
راشد : وإذا ما سويناها بيروح من ايدينا ..
عبدالله " معصب " : لا تقولون جيي ..
هزاع : يعني لازم انسويها .. و ع كلام عمي اشوفه عين الصح .. { يقوله عمي احتراماً له } ..
بو محمد : شو شورك يا ناصر ..؟
ناصر : اللي تشوفونه يا عمي ..
راشد : ما انشاور الحريم ..؟
بو محمد : لازم بعد انشاورهن .. بسير انا اشاورهن ..
ناصر : انا بعد بيي وياك عمي ..
عند الحريم ..
دخلوا بو محمد وناصر بعد ما أستأذنوا ..
بو محمد : شحالج يا ام ناصر ..؟
ام ناصر : بخيير الحمدالله .. قولوا لي قالوا شئ يديد عن حامد ..
بو محمد : لازم يسووله جراحه .. واذا ما سووله اتعرفون شو بيستوي ..
ناصر : ونحن تشاورنا وكلهم وافقوا .. بس انتن شو شوركن ..
ام سعيد : ظنكم بتنجح العملية ..
بو محمد : بإذن الله .. الحين شو ردكن ..
ام ناصر : لازم يسووله جراحه .. يلا اتوكلوا على الله ..
بو محمد : نحن بنسسير نوقع ع الاوراق .. وانتن لا تحرمنه من الدعاء ..
" وطلعوا عنهن .. والحريم اللي تدعي واللي تقرا قرآن واللي تستغفر .. ساروا لين عند الدكتور وقعوا ع الأوراق .. وساروا ويا الدكاترة يوم كان ينقلونه لين غرفة العمليات وقبل هذا سووله فحوص .. دخلوا الممرضين ’ طبعاً رياييل ’ يلبسون حامد لبس العمليات ويجهزون الالات والمعدات , وبعدها دخلوا 4 دكاترة ف الغرفة والاهل كلهم برع ,, سووله بالبداية أشعه مقطعية عشان يحددون بالضبط مكان النزيف لأنه اذا ما حددوا بيكون خطر عليه وبدوا يسوون الجراحة .. مرت ساعه ومحد طلع منهم .. كانوا اللي برع خايفيين ومتوتريين ويدعون ويستغفرون .."

فـ العين ..
الساعه 1:30 ..
وصلوا اللي ردوا من المستشفى ..
ودخلوا بيت بو محمد .. ضيفتهم ام محمد وتغدوا .. ويلسوا ف الصالة ..
منصور : يلا مهروه وفطيم بنسير وذياب الحقنا انت والشغالات وشل فطيم وياك ..
ذياب : بشل الشغلات بس فطيم مب شالنها تباني بشل مهروه ..
فطامي : مب ميته على السيرة وياك اصلا .. بسير ويا منصور ..
منصور : انزين فكونا شل مهروه والشغالات ويلا .. " وقف منصور " يلا خالتيه بنسير نحن ..
ام محمد : يالله يا بويه ايلس ..
منصور : لا خالتيه هبابنا نوصل وارد المستشفى ..
ام محمد : لا تسرع عاد يا بويه ..
منصور : ان شاء الله ..
مهروه : انا بسير اييب عباتي وبزقر الشغالات ..
فطيم : وهاتي عباتي وياج ..
مهروه : انزين .. " سارت تيب عباتها وعباة اختها وزقرت الشغالات وركبت ويا ذياب وروحت وفطيم ركبت ويا منصور و اتجهوا لـ بوظبي .. "
بو هزاع : يالله نحن بعد نترخص ورانا طريج ..
ام هزاع : مايد شل اختك وياك ويلا .. وعليا سيري زقري الشغالات خ اين ..
عليا : انزين " سارت تزقر الشغالات ولبست عباتها ونزلت الصالة عندهن و ريم يابت اعيالها ولبست عباتها .. "
بو هزاع : يلا اعيل نترخص نحن ..
الكل : الله يحفظكم ..
" طلعوا بو هزاع وام هزاع والبشاكير بسيارة .. ومايد و عليا .. وخليفة وحرمته وعياله وشغالته .. و ردوا دبي .. وسعيد شل حرمته وولده وابوه ونورة وردوا البيت .. وتموا فالبيت ام محمد و محمد وحرمته .. "
ام محمد : اتصل لهم شوفهم شو اخر اخبارهم ..
محمد : إن شاء الله .. " واتصل لـ راشد "
راشد : ها محمد ..
محمد : ها ماشئ تطورات ..؟
راشد : امبلا .. يا رمسنا الدكتور عن العملية .. ووقعنا والحين هم داخل يسووله العملية من ساعه الحين ..
محمد : زيين .. الله يقومه بالسلامه .
راشد : آميين
محمد : من ساعه ولا اتصلت ..؟
راشد : اسمحلي محمد بس ربعه يتصلون وربعنا يتصلون وحد منهم اهنا ومنصور يتصل وابوه وما اعرف منوه ..
محمد : زيين زيين .. يلا طمنا يوم يخلصون ..
راشد : إن شاء الله " وسكر عنه .."
{ الكل عرف بالخبر .. ونص ربع حامد و راشد وغيرهم موجودين بالمستشفى ويتريون حد يطلع ويطمنهم .. مرت ساعه واستوت 2:30 ولا حد طمنهم توتروا بزياده والحريم حاشرات الدنيا يبن حد يطمنهن لأنهن ردن الحجره عشان وايد شباب ييو .. مر الوقت واستوت الساعه 3 وهم يتريون حد يطمنهم .. وكل وما زاد الوقت ومحد طلع توتروا اكثر .. وصلت الساعه 4 وهم ع نفس الحال محد طمنهم .. لكن قطع تفكيرهم فتح الدكتور للباب ونطوا كلهم عنده .. }
فـ نفس الامارة فـ أبوظبي ..
و فـ نفس الوقت ..
بيت بو منصور ..,
" منصور شل ابوه وذياب اللي حاشرنهم وساروا المستشفى .."
فـ حجرة فطامي ..
" ترمس بالفون "
فطامي : انزين لو سرت الشقة .. شو بنسوي اهناك ..؟
محمد : ياربي منج .. بنسولف وبنتسلى وجيي ..
فطامي : انزين بنسولف فـ أي كوفي مب شرط شقة ..!
محمد : فطامي حياتي تراني انا زعلان وقتلج اذا بتراضيني تعالي الشقة ..
فطامي " تفكر " : امممم .. انزين انزين بس مب اليوم خلها عقب كم يوم عدنا ظروف الحيين ..
محمد : اممم اوووك ..
" دخلت مهروه عليها "
فطامي : أأأأأأ .. انزين مريوم اخليج انا الحيين ..
محمد : حد يا صح ..؟
فطامي : هيي ..
محمد : بينا فون ..
فطامي : اوك .. " وسكرت "
مهروه : منو كنتي ترمسين ..؟
فطامي : أأ .. ربيعتي مريوم ..
مهروه : ما احيد عندج ربيعه اسمها مريوم ..
فطامي : اففف متعرفه عليها يديد لا تحشريني ..
مهروه : خلاص انزين مايسوى عليه .. انا ملانة ..
فطامي : وشو اسوي انزين ..
مهروه : اففف ما منج فايده " وطلعت " ...
..
فـ العين
بيت بو محمد
جناح محمد ومهره ..
" محمد منسدح ع السرير ومهرة يالسه حذاله .. "
مهرة : انزين حياتي خلاص لا تعب عمرك ..
محمد : آآخ يا حلاتجج وانتي تقوليين حياتي ..
مهرة " مستحيه والاخ يالس يطالعها " ..
محمد : وين لطوف اعيل ..؟
مهره : هناك عند عموه ..
محمد " بابتسامة خبث " : هيي زين خ اتم دهر هناك بعد .. " ويجرب منها "
مهره " حطت ايدها ع صدره ودزته " : محمممد عااااد ..
’ خصوصيــــــــــــــــــــــــــــــــات ’
..
فـ أبوظبي دار الظبي .. 3>
فـ المستشفى ..
قطع تفكيرهم فتح الدكتور للباب ونطوا كلهم عنده ,, أرتاحت قلوبهم شوي يوم شافوه مبتسم .. "
الدكتور : الحمدالله نجحت العملية .. وسدينا النزيف .. وبنخليه تحت المراقبة لمدة 24 ساعه ..
" الكل فرح واستانس .. واللي سجد سجدة شكر لربه .. واللي زين ما سوا حلبة يوله فـ قسم العمليات .. واللي ركض يخبر الحريم .. واللي سوا مسيرة فـ نص المستشفى .. والاتصالات ما وقفت .. أما عن عبدالله سار صوب ناصر واتخاشموا .."
عبدالله : اسمحلي نويصر ع البووكس اللي زين ما طرحك حذال حامد ف العناية ..
ناصر : ههه مسموح مسموح .. تمون ولد العم ..
" راشد سار صوب غرفة الحريم ودخل وهو شاق الحلج .. استغربن من منظره اول شئ بعدين اطمنن شوي يوم شافنه شاق الويه .. "
راشد : نجحت العملية نجحت .. تستاهلين سلامة ولدج عمتيه ..
ام ناصر " ودموع الفرح فـ عيونها " : بششرك الله بالجنة يا ولديه .. يلا ودني عنده ..
راشد : صبري عمتيه خ يخفون الرياييل وبييج بشلج عنده ..
" مر هاليوم ع الكل بدايته صعبه ونهايته حلوه .. من حزن ودموع لـ فرح وابتسامة .. من ضيج وهم .. لـ انشراح وفرح .. الكل عرف عن حامد وحزنوا لكنهم فرحوا الحين لما نجحت العملية .. صار الحادث بداية هذا اليوم .. مع معاينه وتحاليل وفحوصات و آلات وأجهزة وكشوفات .. إلى جراحة نسبة نجاحها ضئيلة جداً .. لكن بالأمل و طلب الرحمة من الله كل شئ يصير .. دايماً أيقنوا أن الله إذا دعيتووه ما يرد دعائكم .. ابداً مايرد الدعاء يمكن يستجيب مثل ما دعيتوا او يؤدي إلى زيادة فـ الرزق أو يخوز أي إبتلاء في طريقه إليكم .. دايماً أيقنوا أن الله دايما مع عبده .. "
.
.
ع اليوم الثاني بعد انتهاء الـ 24 ساعه اللي كان فيهن حامد .. نقلوه لـ غرفة خاصه طلبها ناصر .. والكل متيمع فـ حجرته وعيونهم عليه .. بدا يفتح عيونه شوي ويسكرها .. كانت ايده مجبسة ومحطين له مغذي وكم دبة مال الدواء معلقات ع الحديدة يوصلن لإيده وكل مرة تدخل نيرس وتغير مكان الابرة من دبة لدبة .. ومن غير الضربات اللي ع ويها وإيده وغيره ومن اهمها ضربة الشيرة يوم كشفته حمده .. امه كانت يالسه حذال شبريته ع كرسي و ناصر حذالها والباقي يالسين جدام الشبرية ع الكراسي .. والغرفة كانت كبيرة مع ديكور وحجرة اضافية للمرافق مع حمام لانها خاصة ..
..
دخلوا عليهم شخصين الاول يالس ع كرسي متحرك والثاني يدزه ..
اتفاجأوا منهم .. وقالوا : متى ييتوا ..؟
.

توقيع » яσм♡αиcε
===





  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 11, 03:43 PM   #18
яσм♡αиcε
من كبآإر الشخصيآإت ♖ ~
 
الصورة الرمزية яσм♡αиcε

 رقم عّضوَيًتِـيً » 15188  
 تاريخ آنظمآمي » 04 2010  
 مشآرٍڪْآتِي » 13,401  
 مواضيعي ْ »  
 نقآطيً » 1117612  
 هوَآيًاتي » أتحوؤوط بمملكتنآ آلأوتآريهه ♡  
 مڪْآنيً » مدينهه آلرومآنسيهه ♡  
 دولتي » Oman
 جنسي » female
 حالتي » яσм♡αиcε غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت

آلبـــآرت آلثـــــــــــ{ 8 }ـــــــــآمن
{ مدري ليـﮧ اشعر بان الهجر من بعد المعزة

يرسم في ذهني علامـﮧ من علامات القيآمـﮧ }

يوم الأحد ..
فـ أبوظبي ..
فـ المستشفى ..
الساعه 8 الفليل ..

" ينتظرون حرف او كلمه .. هاي الساعات اللي ما سمعوا صوته كأنها كانت سنييين .. حمده تحسه زعلان لانها عاتبـته على ما اختاره قلبه .. وناصر يحس باللوم اكثر من أي حد بسسب الصفعه اللاإراديه .. أما باقي الشباب بعد يحسون باللوم لانهم يوم شافوا الوضع جي المفروض يهدون ولا ما بتوصل السالفه لـجي لكن قدر الله وماشاء فعل .. "

{ انفتح آلبآب ودخلوا شخصصين وجدموا لين شافوهم .. الكل أستغرب ما عدا حامد اللي مب حاس بالدنيا .. تعالت الاصوات على كلمات .. متي ييتوا ! .. ليش ما قلتولنا ..! .. *** ليش يالس ع كرسي ..! .. شدراكم بالسالفه ..! .. منو خبركم ..! }

**** : بس خلآآص لموأ حلوجكم .. جي مآقلتولنا عن حآآمد ..
بو محمد : يآ بويه جي ولآ جي بنخبركم .. وبعدين أنتوا فـ رحلة علاج ..
اليد : بلآآه ولديه طآآيح شو سويتوآ به ..
زآيد : يآ بويه خلآآص هد بيقولولنا السآلفه ..
رآشد : العم متى ييتوا ..؟
زايد : مسآعه وآصلين لكن هالشيبه حششره ..
اليد : شآب رآسك قول آمييين .. انا الشيبه ياللي ما تستحي .. !!
زايد : يالله ما يسوى علينا ..
بو محمد : زايد .. ليش ميلس ابويه ع كرسي ..؟
زايد : ترا تدري العملية وما يروم يمشي وايد فـ يلسته وبالزور بعد .. ما يباه اونه هالكرسي ..
راشد : مآ يحق الشيبه بعد ..
اليد : هآآ ما اسمعك ..؟
راشد " يعلي صوته عشان يسمعه " : أقولك شحالك أنته بخييير ..؟
اليد " يصارخ " : أنا اقولك قولي بلآآه حامد ..؟
راشد : خييبه حررق لي ويهي ..
بو سعيد : بس عمي خلآص هدي .. حامد ما فيه إلا الخير ..
اليد : زويد .. تعال دزني ودني عنده .. " لانه كان واقف بعيد " ..
زايد : ابتلينا نحن ..
اليد " يصارخ " : هآآ بلآآك ..؟
زايد : ماشئ ماشئ يالس استغفر .. " ويدزه لين جريب شبرية حامد .."
اليد " يرمس حامد وهو يتحسب عمره يرمس شوي شوي ومعلي صوته اخر شئ " : حامد .. ابويه .. بلاك انته .. حامد .. ياللي ما تستحي ارمسسك انا .. " ويضربه على صدره بإيده " طااخ ..
حامد " فز وفتح عيوونه " : ....
اليد " يبتسم " : شحالك ابويه انا يدك ييت من السفر تراني ..
حامد " مجرد يطالعه بس " : ......
اليد " يصد صوبهم " : بلآه الولد شو مسوين بلسانه انتوا ..
ام سعيد : يآ بويه لازم يرتاح ..
اليد " وهو يطالع ام سعيد " : وييه منيه هاي ..؟ .. ثره عندكم غرشوب وانا ما دري ..
زايد : يالله يا ابويه .. بنتك بنتك هآآي ..
" ع هالسوالف اللي ما تخلص .. كان هناك عالم محد يحس فيه غير اللي عايشين هالوضع .. تنآآظره بنظرات الم وتحسف .. لكنه عايش عالم السواد .. بسبب الدوا والابر كان ينش ويرد يرقد .. كانت فـ خاطرها تقول : لو انا ع ذمته الحيين .. جان مافارقته .. لو ع ذمته بصييح ومحد بـ يقول شئ .. لو ع ذمته جان طحت فـ حظنه وأقوله ما اروم اعيش بلياك وهو يبتسم ويمسح ع راسي .. بس كلها احلام فـ احلام وبصير ع ذمة اخوه وما اقدر اسوي شئ غير اني اشوف الحلم اللي بنيته ينهدم .. قطع تفكيرها دخلة النيرس عسب اتغير الدوا وأتحطله المغذي .. كانوا الاهل يدخلون ويطلعون .. يدخلون ويطلعون .. وسوالف وضحك ومصخره ولا راعوا اللي طايح وسبب طيحته اخوانه .. ما كان يحس باللي حوله ولا يعرفهم تأثير الحادث شوش ع مخه شوي .. بس بينسى حبه لـ روضه ..!؟ .. بنشوف .. "
{ اليد " بو عبدالله " : 73 سنة .. اعياله 4 بو محمد وبو ناصر وام سعيد وزايد .. ما طلعوا فـ الأحداث الأولى لأنهم كانوا مسافرين المانيا عشان بو عبدالله يتعالج ..
زايد : 25 سنة يشتغل فـ الجيش .. وسيم .. له ملامح شيوخيه .. وآيد ويآ روضه مع انها اصغر عنه بـ 5 سنين .. و وايد ويا ابوه .. متفهم .. طيب .. }
بو منصور : أعيل يلا نترخص نحن .. وفطيم هناك محححد عندها و الحين الفليل بعد ..
الكل : الله يحفظكم .. " طلع بو منصور وام منصور ومنصور وذياب ومهرة .. ووراهم طلعوا قوم بو محمد وطلعوا وياه ابوه واخوه لأنهم يسكنون عنده فـالبيت .. وقوم بو سعيد بعد رادين العين .. وتموا ناصر وامه واخته .. "
ناصر : امايه اوصلج البيت ..؟
ام ناصر : لا بتم عند ولديه انا ..
حمده : امايه الحمدالله ما عليه شر .. بتسيرين البيت وبترتاحين وان شاء الله الصبح يوم بسير الجامعه بخطفج ..
ناصر : ها امايه شو قولج ..
ام ناصر : يالله بعد شو اسوي .. بس انته تم اهنا عند اخووك .. وحمده بتتصل حق الدريول بيي ..
ناصر : امايه مب من بعد المستشفى بوصلكن وبرد ..
ام ناصر : لا توصلنا ولا شئ .. تم عند اخوك يمكن يحتاج شئ ولا شئ .. حمده اتصلي ع الدريول .. " واتصلت ع الدريول وبعد كم دقيقة يا .."
حمده : امايه يلا هو يقول تحت ..
ام ناصر : انزيين .. يلا نتوكل ..
ناصر : بوصلكن تحت ..
ام ناصر : اندله الطريج .. تم عند اخوك انته واذا احتاي أي شئ لا تقصر ..
ناصر : أمبوني بدون لا تقولين ..
حمده : اعيل يلا مع السلامه ..
ناصر : الله يحفظكن .. " وظهرن "
" سار ناصر وعدل الكرسي وخلاه حذال الشبرية وبالضبط وين حامد ملتفت براسه وراقد .. يلس ع الكرسي ومسك إيد اخوه ودموعه فـ عيونه ومنزل راسه وقال : حامد والله ما كان قصصدي اضربك .. ادري سبب اللي انته فيه مني .. من قهرك مني .. بس والله ما كان قصصدي والله لا إرادي كنت اتعق خيط وخيط وانا تنرفزت بسرعه وانته ما احترمتني جدامهم .. " نزلت دموعه " انا خنت ابويه .. خنت وصيته وضربتك .. المفروض ما اسوي اللي سويته .. حامد دخيلك سامحني بسسوي اللي تباه دخيلك .. بس لآ تحط فـ خآطرك عليه .. " حسس بقبضه قويه من ايد حامد على ايده وكانه يقوله انا مسامحنك .. طاح على ايد حامد وخله دموعه تنزل بهدوء .. اما حامد ابتسم وكأنه بدا يذكر شو صآر .. "
..
فـ عالم ثآني ..
فـ الطريج وهم سايرين العين ..
قوم بو محمد كلهم فـ سيارة وحده .. ومحمد سار بس رد قبلهم .. و زايد لانه ياي من العين بسيارته عقب ما ردوا من المطار ورد ووياه ابوه فـ سيارته ..
راشد : احححم .. ابويه الحيين متى الملجه ..
بو محمد : والله ما ادري بـ ولد عمك ..؟
راشد : ليش نحن بنسوي ملجه وحده ..!!
ام محمد : هي احسسنلكم نفرح الفرحه فرحتين وفي وقت واحد .. ولا شو شورك يا بو محمد ..؟
بو محمد : شورج زيين والله .. بس الحين خ يطلع حامد من المستشفى وعقبه بكم يوم ان شاء الله المجله ..
راشد " مستانس " : الله بملج وبدخل القفص الذهبي ..
بو محمد " طالعه بنص عين " : وابوي عليك انا .. مستلغث ع الحرمه ..!
راشد " نزل راسه من الاحراج " ..
ام محمد : اعيل روضه اجهزي انتي ..
روضه " وهي ميوده عمرها عشان ما اتصيح " : بعده يصصير خييرر ..
روضه ~ كلهم فرحانين لانه بتكون في مناسبه وحتى اصحاب هاي المناسبه فرحآنين إلآ أنا .. انا قلب راح يأسره شخص مـآ ودي بـه .. مآ أطيقـه .. مآ أحبـه .. مآ أبــاه .. كل هالكلمات اتفسر شئ واحد واللي هو آلكره .. يآ نآس .. يـآ عـآلم .. افهموني .. مآآ أبـــيــــــه .. مآآ أبــيـــه .. كيف بعيش ويـآه كيف .. والله مجرد التفكير صعب .. كيف إذا آلحياة ..؟! .. " نزلت دموعها ومسحتهن بسرعه لانها اذا خلتن عادي تصيح بصوت وتشآهق .. "
.
.
{ اعتذر عن الغلط اللي كان فـ البآرت الرابع .. انا قلت انه ام منصور تستوي اخت ام سعيد .. لكن هي اصلا اخخت بو سعيد يعني تستوي عمة نورة مب خالتها .. المفروض ما ارتكب هالخطأ .. واعتذر مرة ثانيه .. }
فـ أبوظبي ..
الساعه 9:30 ..
فطامي : حيآتي والله لآ تزعل .. كنت بييييك بس اهلي ردوا من الهوسبيتال بسسرعه عشان جي ..
محمد : لآ زعلان لا تحاوليين ..
فطامي : حبيبي والله سوري .. وأوعدك أنا باجر عندك وبتم من العصر بععد لين الفليل ..
محمد " بابتسامة خبث ممزوجه مع انتصار " : اووك خلآآص رضيت .. بس ع شررط ..
فطامي : آمر أتدلل عيوني لك ..
محمد : تسلم عيونج غناتي .. بس أباج تكشخين عاد مب أي كشخه بس كششخه كشخه .. أستاهل انا صح ولا لا ..؟
فطامي : أفا عليييك .. غــآلي و آلطلب رخيص .. طبعاً .. كم حموودي انا عندي ..
محمد : وييييل قلبي انا .. يلا حبي اخلييج اشوف ربعي يايين صوبي .. عاد انا اغار تسمعين صوت حد .. انتي بس لي انا ..
فطامي : هههه .. فديت اللي يغار أنا .. يلا اعييل بآآي ..
محمد : بآي .. " وسكروا عن بعض "
..
فطآمي : امممم شو اسوي الحيييين .. بسسير اشوف لي لبس كششخه حق باجر .. وآي واخيراً بششوفه وبقعد معاه .. " والابتسامه شاقه الحلج .. دخل ذياب ويلس يوايق من عند الباب .. "
ذياب : حمدالله والشكر .. بلاج ترمسين روحج .. حالات مستعصيه فهالبيت وأولهم انتي ..
فطامي : جـــــــــــب جب واطلع برع ..
ذياب : افا يــآ أختي هـذا وأنا اقول بآجر بوديج الجــآمعه ..
فطامي : مشكــور مــآ تقصصر .. الدريول موجود ..
ذياب : لـآ مآ يصير مـآ يصير .. أنا موجود وأختي اسير الجــآمعه ويا دريول ..
فطآمي : أنــآ اعرف اصلا ليش انته تبـآ تسسير اهناك مب عشان شئ .. عشـآن .. " ويقاطعها "
ذياب : المزآيين طبعاً .. يلـآ خلصيني اوديج بآجر ولا لاء ..؟
فطآمي : يلـآآ منـآك .. انا مآ أشارك فـ فعل المعآصي .. < امحححق ..
ذيـآب : زولي لاْ بتوفرين بترول ع الدوله ..
فطآمي : أنته ليش مآ تمييت هناك فـ الكليه تفكنا شوي من أذآك ..!!
ذياب : والله كيفي .. اليوم ما عطونا شئ وردينا بيوتنا .. لا تخآفين اسبوع كامل ما بتشوفيني ..
فطامي : فكه منك ومن إذاك ..
ذيآب : ولي مآ بموت علييج أنا .. " وطلع " ..
.
.
فـ دبي ..
فـ بيت بو هزاع ..
الساعه 10 ..
دخل هزاع على عليا اخته ..
هزاع : عليوه فآآضيه ..؟
عليا " تبتسم " : هيي ادخل ادخل ..
هزاع " دخل ويلس حذالها ع الشبريه وهي يالسه ع اللاب " : شو تسوين ..
عليا : والله يا خوي بريزنتيشنات و امتحانات وجيي ..
هزاع : زين شدي حيلج عآآد ..
عليا : أفا علييك ببيض ويهك وييه ابويه وامايه وميود وخلوف بععد وحتى حَمَدوه وحمود عيال خلووف ..
هزاع : ههههههههه بس دخييلج حتى هالفعاصين .. !!
عليا : هههه ..
هزاع : امممم ..
عليا : وراك رمسه انته قوول قوول ..
هزاع : هههه مححد يعرفني كثرج ..
عليا : يلا قول ..
هزاع .. أأأأ .. فـالخيمه البنات اللي كانن وياج واعرفهن الوحيده رويض بنت خالتيه .. وهذيلآك منو ..؟
عليا " تبتسم وكانها شآكتنه " : وحده تستوي بنت عم روضه وتستوي اخو عبدالله .. والثنتين خوات يستون بنات خالة نورة و اخوات منصور وها مايد ربيع ذياب ..
هزاع : اوووه شو ها عقدتيبي .. !!
عليا : هههههه .. مححد قالك تسأل ..
هزاع : انزين منو هاي اللي كانت لابسه كندوره سوده ..؟
عليا " تستهبل عليه " : انا هآآي ..
هزاع : يعني انا ما اعرفج تستهبلين ..! .. منو الثانيه اللي لابسه الكندوره السوده ..؟
عليا " تكمل استهبالها " : هي هذيج وحده من الحرييم الكبار ..
هزاع " يصارخ " : عليوووووه .. عن الاستهبال بنت حلوه كبررج ..
عليا : هيييي طلعت الاخت حلووه .. قول جي من البدايه ..
هزاع : يآربي منج .. اتعرفين كيف اطلعين الرمسه .. قولي منو هاي ...؟
عليا : شـ تباها انته ..
هزاع : وحده من الاهل لازم اعرف شو اسمها غبيه انتي ..؟!
عليا : افف خلني اخلص حشرتني تراك ..
هزاع : صدقيني بطلع بس قولي شو اسمها ..؟
عليا : اسمها نورة وبنت بو سعيد .. واخت عبدالله وبنت عم روضه .. وفالجامعه و عمرها 20 سنة .. وتدرس انجليزي فـ جامعة الامارات " تصارخ " والحييييييين اطلع برع ..
هزاع : فديييتج انا .. الله لا يحرمني منج .. " ويسير يحبها ع راسها " .. مآ بتقوليلي الرقم بعد ..؟
عليا " تصارخ من قمة راسها " : بررررررررررررررررررررررررررررررررررررررررررع ..
هزاع : والله طالع والله .. " وطلع عنها " ..
عليا " تبتسم " : الله لا يحرمنا منك ..
.
.

توقيع » яσм♡αиcε
===





  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 11, 03:44 PM   #19
яσм♡αиcε
من كبآإر الشخصيآإت ♖ ~
 
الصورة الرمزية яσм♡αиcε

 رقم عّضوَيًتِـيً » 15188  
 تاريخ آنظمآمي » 04 2010  
 مشآرٍڪْآتِي » 13,401  
 مواضيعي ْ »  
 نقآطيً » 1117612  
 هوَآيًاتي » أتحوؤوط بمملكتنآ آلأوتآريهه ♡  
 مڪْآنيً » مدينهه آلرومآنسيهه ♡  
 دولتي » Oman
 جنسي » female
 حالتي » яσм♡αиcε غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت


توقيع » яσм♡αиcε
===





  رد مع اقتباس
رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت
قديم 12 - 05 - 11, 04:18 PM   #20
dark angel
مشرفةة القصص و الروايات ♥ ~
 
الصورة الرمزية dark angel

 رقم عّضوَيًتِـيً » 39462  
 تاريخ آنظمآمي » 05 2011  
 مشآرٍڪْآتِي » 5,554  
 مواضيعي ْ »  
 نقآطيً » 286988  
 هوَآيًاتي » Nothing  
 مڪْآنيً » Here  
 دولتي » Syria
 جنسي » female
 حالتي » dark angel غير متواجد حالياً
افتراضي رد: عّششَقتڪ بمَسسَتوَى عآلـي ., وَ حبيْتڪ عڪس حبهَم ..~ للكآإتبةة : نبض آلإمارآت

متـآبععععة....

توقيع » dark angel
أنَا صديقّة الطيبين والبسطاء ​، والذين يزرعون مابينَ كلّ خيبَة وأخرى : فرحاً كبيراً !
  رد مع اقتباس
إضافة رد

مواقع النشر (المفضلة)

الكلمات الدلالية (Tags)
..~, آلإمارآت, للكآإتبةة, بمَسسَتوَى, حبيْتڪ, حبيْتڪ, حبهَم, عڪس, عڪس, غآلـي, عّششَقتڪ, عّششَقتڪ, نبض, وش

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
اطرق وصالڪ ويرد الصوت : وش جابڪ ! وانا بغيابڪ .. يطيح الڪون من عيني مــالي شبيــه منتدى الشعر والخواطر 9 13 - 08 - 05 05:52 AM
ڪُنِتْ آ۶ـرفِـڪُ لمّآ ڪُآنِ الحُبِ يِعَرِفِـڪُ || Chanel ‏≈ ¬яіυηα قسم الأناقة 17 13 - 03 - 18 09:20 PM
تفدآآڪ[ ن٠فـ٠س ]..خذآهـآ الشؤؤق صوبڪ .. ويفدآڪ[ ق٠ل٠ب ] .. مـآلقى مثلك احـد ..وتفدآڪ[ ع٠ي٠ن ] مـآتبي غير شوفتڪ .. و يفدآڪ[ ع٠م٠ر ] مـآ فدى قبلك احد دمـع ــه °ˆ~*¤®§(* مدونة مملكة الاوتار *)§®¤*~ˆ° 14 11 - 05 - 21 08:38 PM

RSS RSS 2.0 Feed XML MAP HTML

الساعة الآن 09:34 PM


Powered by vBulletin® Copyright ©2000 - 2019, Trans. By Soft
Adsense Management by Losha
جميع آلمشآركآت آلمكتوبه تعبّر عن وجهة نظر صآحبهآ , ولا تعبّر بأي شكل من آلأشكآل عن وجهة نظر إدآرة مملكة الآإوتآإر
This Forum used Arshfny Mod by islam servant

تم أرشفة منتديات مملكة الاوتار بواسطة شركة كل الحكاية

  تصميم بكسل مول