:: حصريات منتديات مملكة الأوتار الاختلاف والتميز ::

       
 الصفحة الرسمية لـ المغرد عمر يعقوب الرحبي ( أخرس الوجدان ) .. !

منتديات مملكة الأوتار الاختلاف والتميز


إضافة رد
 
أدوات الموضوع انواع عرض الموضوع
رد: أمـــآنـــةة لآتخ ــليني أحس إنك دفى سنيني..~
قديم 12 - 08 - 07, 07:12 AM   #11
ĀmĵĀđ
وتر متألق
 
الصورة الرمزية ĀmĵĀđ

 رقم عّضوَيًتِـيً » 28448  
 تاريخ آنظمآمي » 09 2010  
 مشآرٍڪْآتِي » 8,137  
 مواضيعي ْ »  
 نقآطيً » 116903  
 هوَآيًاتي » آلرسم بالكلمآت♥  
 مڪْآنيً » =♥  
 دولتي » Saudi Arabia
 جنسي » female
 حالتي » ĀmĵĀđ غير متواجد حالياً
افتراضي رد: أمـــآنـــةة لآتخ ــليني أحس إنك دفى سنيني..~


( الـــــــــــــــبـــــــــــــــــــــــارت الـــــــــــرآبـــــــــــــــــع )

شـــــفــــــــــــــــرة خـــــــــــــطـــــــــــــــــــــر !!!!

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•


فــي دبــــــــــي و تحديـــدا شـقـــــــــه مـــــــــازن ..

صحي الاخ سكران و حالته حالة مو داري شاللي صار ،، شاف تي شيرته مشقوق و آثآر الطعنه عليها دم ناشف ,,
- مازن و هو يمسك راسه : يااااااسر ،، ياااااسر .
- طلع ياسر من الغرقه بعد هو حالته حاله بس اهون من مازن لانه ما كثر في الشراب مثل مازن ,, ياسر : هااااااااااه .
- مازن : وييينهاااا ! شاللي صاار ،، الشريط ،، راسي بينفجر ،، اخذت منها اللي ابي ؟ ماا اذكر مااااا ذكر ،،
ايييه خالد جعفر ،، ايش صار !
- ياسر يطابع فيه بغبااء : وشدراني انا ،، كنت بالغرفه ،، بس أذكر شفت واحد ماهو غريب علي ،،
بس مدري ميين مدري .
- مازن بصراخ قام بسرعه لعند الدولاب : الششرييييييط ،، بنت الكلب اخذت الاشرطة كلها ،، لعبت علينااااااا .
- ياسر : بالطقاق ،، اهم شئ المقابل .
- مازن و هو يمسك راسه و يشد شعره : اقووولك ما اذكر حتى اني شفت وجهها ،، الله يلعن الشراب ،،
ضيعت اللي اخطط له من شهووور '' تذكر شئ '' ايييه ،، الكاميرا ،، جيب الكاميرا ،،امكن صار شئ و ما اذكره .
- ياسر بغبااااء : ما صورت .
- مازن بصرااااااااخ : اايييييييييييييييييييييشش ؟
- ياسر : جهزتها ،، و طلعت لما سمعت صوت صراخ و مدري شنو ،، و نسيت منها اصلا .
- مازن و هو واااصل حده : يعني ضااااااع كل ششئ .
- ياسر : اتصل على مشاعل ،، امكن وصلها شئ و لا تعرف شئ .
- مازن و هو داخل الحمام ' و انتو بكرامة ' : دبرلنا رحلة الحيين للرياض ،، و مشاعل اذا طلعت كلمتها .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

جـــــــــنـــــــــــــــــــــــــــــــآن ....

كانت تعباااانة حيييل و بسااابع نومة ،، جنااااان ,, دخلت عليها ملاك ..
- ملاك : هييييه جنووون ،، باقي ما صحيتي يلا قوومي بسسرعه بنتأخر .
- جنان : ........... > ناااايمة
- ملاك و هي تهزها : قووووووومي يلاااا .
- جنان بنوم : ااهممم ،، ملاكووووه انقلعي برررا .
- ملاك : قومي ،، تأخرنا .
- جنان : انقلللعي ،، مااني مداومة .
- ملاك : لييييه ،، خلاص قوومي اليوم الاربعاء ،، اذا رجعتي طقيها نوومة للجمعه .
- جنان : بررررراااا ،، و طفي النور ورأك .
- ملاك زهقت عارفه انها لو قعدت لين بكرا ما راح تغير رايها : برااااحتك ،، بس هااا استعدي
اذا رجعت باخذ منك السوالف كلها من لما رحتي دبي لين رجعتي و ايش ص ...
- قاطعتها جنان بصراااخ : برررررااا يااااا قلللللللللق .
- ملاك : طيب طيب .
و طلعت للجامعه ،، اما جنان ف طقتها نووومة .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

مــــشــــــــــــــآعــــــــــــــــــل ....

كانت نايمة و ماهي ناوية تداوم اليوم ،، اللي هي ' مشااااااعل ' ..
صحت على صوت جوالها ،، كان مازن ،، ردت بنوووم ..
- مشاعل : الوووو .
- مازن ببرود : اخذت الشريط .
- مشاعل طار النوم ،، وقاااامت واقفه و طااايرة من الفرحة :يييييسس ،، هذا اللي ابيييييه ،،
والله و طحتي بيدي يا بنت محمد ،، اهم شئ صورتوها ؟
- مازن : اخذت الشريط و بس .
- مشاعل مو فاهمة : شلون بس ،، وش قصدك ؟
- مازن : قصدي واضح ،، اخذت الشريط بدون مقابل .
- مشاعل بصراخ مو مستوعبة : ايييييييشش ؟ كيييييييييييف ؟ وششلللوووووووون اخذته ؟
مو انت قلت لي انها جايه الشقه عندك ،، و كل شئ اوووكي !
- مازن بانفعال : ايه ،، جات بس كنت سكران و لعبت علي و اخذت الشريط .
- مشاعل واااصلة قمة الغضب : سكراااان ياااا زفت ! خربت كل اللي سويته ...
- قاطعها مازن ببرود : انا جاي اليوم ،، و تعبااااان من اللي صار ابيلي سهرة محترمة ،،
دوريلي بنووتة خقه مثل جنان ،، فاهمة !
- مشاعل بصراخ : و هذا اللي هامك ،، الخمر و السهرات و البنات يااا زفت .
- مازن : لا يكثر ،، و جنان بعدين نفكر فيها على كيفنا ،، الحين ابيلي فترة نقاهه .
- مشاعل تبي تستفزه و تقهره : مثل جنان ما راح تلقى ،، و انت اللي ضيعتها من ايدك يا غبي تستااااهل ،،
و اذا على البنات عندك ارقامهم .
- مازن : لا ما ابيهم ذولا طفشت منهم ابي غيرهم ،، العبي لعبتك مثل دايم و شبكي وحدة حلوة ،، فاهمة .

و قفل الخط في وجهها ،، مشاعل كانت والعة ناااار و قررت تروح الجامعه عشان تشوف جنان ..
بس اللي ما تعرفه هي و لا مازن ان مازن فضح مشاعل و هو سكران مو داري ,,
و جنان عرفت ان مشاعل ورى السالفه .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فــي الجـــــــامـعــــــــــه عنـــد مـــــــــــــلاك و نـــــــــــوف ...

كانوا جالسين في الكافتريا يسولفون ..
جاتهم مشاعل و اميره ...
- مشاعل : سلااااااام .
- نوف و ملاك : و عليكم السلام .
- مشاعل ببراءة تمثلها : اقووول ملووكة ،، جنان وينها لها اسبوع غايبة ،، عسى ما شر ؟
- ملاك : والله كانت مسافرة .
- مشاعل : اهاااا ،، طيب رجعت و لا باقي ؟
- ملاك : رجعت امس ،، ليه تحبين اوصل لها شئ .
- مشاعل بارتباك : لا لا ،، يلا سلام .


- نوف : وش الاسلوب الخايس هذا ،، على الاقل تقول سلمي عليها .
- ملاك : هههههههه ،، لا عادي هي اسلوبها كذا ،، بس تراها حبووبة .
- نوف : قال حبوبة قال ،، افلقيني بس ،، يلا انا رايحة .
- ملاك : ويييين ؟ اجلسي معي .
- نوف : عندي محاضرة ،، يلا باااي .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عنـــــــد جـــــــــــــــنــــــــــــــــــان ..

صحت الساعة ١١ الظهر ،، اخذت لها شور سريع و صحصحت ..
- جنان : ميييييرري ،، مييييييررري .
- الخدامة ميري : يس مام .
- جنان : جيبي كوب حليب .
- ميري : اووك ،، ما ابغا فطور ؟
- جنان : لا لا ،، بس كوب حليب .
راحت ميري و جابت لها كوب حليب ،، جلست على سريرها و في حضنها اللاب توب ،،
و جنبها الاشرطة و على كل شريط اسم بنت ..
- جنان : اووووف يا ماازن ،، هه كماااان مسجل اسماااؤهم .
قامت مدت يدها على اول شريط و كان باسم بنت ،، فتحته و هي ترتجف ..
كان فيه ملف فيديو و ملف صور و ملف مفكرة ،، فتحت المفكرة كان فيها اسم البنت كامل و معلومات عنها ،،
انصدمت لانها تعرف هالبنت معهم بالجامعه ،، و فتحت الصور كان مليان صور للبنت و كمان صور و هي عريانة و و و الخ .
قفلت الصور و فتحت ملفات الفيديو ،، كان بدايته دخول بنت للاستراحة و معها كم بنت و مشاعل بعد معهم ..
- جنان : مشاااااعل ؟ وش لها بالبنت ! هههييييييييييي ،، شهقت من فكرة جت في بالها ،، لا لا مستحييييل لا .
رجعت للفيديو ،، بعد دخول البنات طلعوا الشباب و من ضمنهم مازن و ياسر و سحبوا البنت على غرفة نوم
و خدروها و قاموا يجردونها من ملابسها ،، ما استحملت المنظر المقرف ،، ف طلعت السي دي على طوول ،،
و بسسرعه اخذت السي دي حقها و هي خاااايفه من للفكرة اللي في بالها ،، اخذته و اطرافها ترتجف ،،
و قلبها طبوووووول ،، دخلته باللاب توب و فتحته و هي ترتجججف ،، بسسس الصصصصدمة !!!!!!

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فــي بيـــت عبـــدالـــرحــــمــــــــن ' ابـــو خـــــــــــالـــد ' ..

كانوا جالسين يتقهوون ..
- ابو خالد : يا ام خالد ،، ولدك للحين نايم !
- ريماس داخله عرض : خلوووود جاااا من دبي ؟
- ام خالد : ايه ،، امس بالليل .
- ريماس : يوووه ليه ما قلتولي !
- ابو خالد : كنتي نايمة ،، و بعدين ليه مو مداومة اليوم ؟
- ريماس : عندي اووف اليوم .
- ابو خالد : طيب يا اووف قومي صحي خالد ،، كفايه نووم .

طلعت ريماس غرفة خالد دقت الباب اكثر من مررة مافي رد ،، دخلت الغرفة كانت ظلاااااام و بااااااردة ،،
مشت و فجأة صقعت في شئ ،، و تحححررك ،، نطت على سرير خالد ،،
- ريماس بصراااخ : يمماااااااااه ،، ججني ،، يماااااااااااااااااااااااه .
- خالد يبي ينام دفها : ريمااااسوووه ،، قومي انقلعي .
- ريماس و هي تنطط على السرير : خاااالد جني ،، في جني في غرفتك .
- كان اللي على الارض فيصل نايم : ريمااااس و وجع .
- ريماس تعلقت في خالد : يمااااااااه و يعرف اسسمي بعد .
- فيصل : ريماااس ياا زفت انا فيييصل بسك صيااااح .
- ريماس للحين تصارخ > هبله خخخخ : و اسمه فييصل بعد ،، يمااااااه خااالد .
- خالد دفها و طاحت على الارض : ريماسووه هذا فيصل ولد عمي .
- ريماس سكتت شوي مو مستوعبة و بعدين : هههههههههههههههههههههههههههههههه وججع خوفتني .
- فيصل : ايييه وااااضح اذني راحت وطي .
- ريماس : ايه صح ،، نسيت ليه جايه .
- فيصل : من الطفاقه .
- ريماس : المهم بابا يبيكم تحت .
- خالد : طيب انقلعي بررا عشان فيصل يقوم .
الغرفة كانت ظلام و فيصل تحت اللحاف فما يشوف ريماس > تتغطى عليه ..
- ريماس و هي طالعه : خالد قوم انت و الجني ،، انزلوا بسسسرعه .
قام فيصل للحمام ' و انتو بكرامة ' و غير ملابسه و صلى ،، لف على خالد لقيه باقي منسدح على السرير ..
- فيصل : خالد ،، قووم بسسرعه عمي ينتظرنا .
- خالد و هو يفكر : ماا نمت ،، طوول الليل ما راحت عن بالي ،، شاغله تفكيري .
- فيصل بغباء : هااااا ،، مييين .
- خالد : جنان .
- فيصل : وشفيها ،، ايييه صح باقي ما أخذت علومها .
- خالد : مدري ،، مدري ،، بس باقي ما خلصت منها .
و قام للحمام ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فــي مكــــتـب مــحـــمــــــد ' ابــــو جـــنــــــــــــان '

كان جالس مع احد الاداريين للشركة ..
- محمد : وشلووون يعني !
- الاداري : والله هذا اللي صار طال عمرك ،، المناقصة ما رست علينا ،، و كانت من نصيب احد المشاركين .
- محمد : يا خسارة ،، والله اني حطيت جهدي فيها ،، بس خلاص الله يوفقه ... وقام
- محمد : يلا انا ماشي .
- الاداري : الله معك .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عنــــــد جــنـــــــــــــــــــان ..

دخلت السي دي باللاب توب و فتحته و هي ترتجججف ،، بسسس الصصصصدمة !!!!!!
ان السي دي بــرمــز ســـــــري ' شــفـــــــــــرة ' ..
- جنان : رمز سسرري ؟؟ ليييييش !
و اول من جا في بالها خالد و فكرتها لعبته مع مازن ..
جربت اول رمز جا في بالها اسم ' مازن ' بس ما ظبط .
- جنان : اوووووووف .
دخلت عليها ملاك ..
- ملاك : شوبو الحلوو زعلاااان !
- جنان : اهليييييين ملوووكة .
- ملاك و هي تجلس على كرسي التسريحة : هااا كيفك ،، مصحصحة و مستعدة .
- جنان و هي تسكر اللاب توب و تشيل الاشرطة : ااامممم ،، كيف الجامعه .
- ملاك : مثل كل يوم ،، يلا .
- جنان : شنو يلا ؟
- ملاك متحمسه : يلا قولي لي كل شئ بالتفصيييل ،، و اكيد ما جيتي الا و الشريط معك .
- جنان : طيب ،، سؤال .
- ملاك : شنوووو ؟
- جنان تبي تشيل الفكرة اللي براسها : انتي قلتي لي كل شئ عن ذيك الليلة ؟
- ملاك : يب يب ،، قلت لك كل شئ اتذكره ،، بعدين لا تنسين اني كنت ....
- قاطعتها جنان : طيب خلاص ،،، بتردد قالت : و الشريط ما جبته .
- ملاك مستغربة : شل......
قاطعها دخول الخدامة : ملآك ،، زناان ،، بابا يبغى انتا .
- جنان : طيب الحين نازليين .
- ملاك : يووووه ،، مو وقت بابا ،، من الصباح انتظر الفرصة .
- جنان : ملكووه ،، هذا بابا ،، قومي يلا ننزل .

نزلوا تحت عند محمد ....
- محمد : هلا ،، هلا والله بالغالية .
- جنان و هي تسلم على راس ابوها : هلا فيك يا تاج راسي .
- محمد : كيفك اخبارك يا بابا ؟ عسى ما تعبتي في السفرة !
- جنان جلست جنب ابوها : بخييير دامك بخيير يا نظر عيني .
- محمد و هو يناظر ملاك الواقفه قدامهم و تطالع فيهم : و انتي وشفيك واقفه كذا .
- ملاك و هي تحط يدها على خصرها : انتظركم تخلصون فلم اب و ابنته .
- جنان : هههههههههههه بدت الغيرة .
- ملاك : هه اغاااار ؟ و منك بعد ! هههههههه .
- محمد : ههههههههههه لا والله انكم عندي عيوني الثنتين ،، الله يحفظكم .
- جنان و ملاك : الله يسلمك يالغالي ،، و يحفظك و يخليك لنا .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فــي بـيـــت ابــــــــو خـــــــــــالـــد .....

نزلوا خالد و فيصل ،، سلموا على ابو خالد و جلسوا ..
ريم و ريماس كانوا جالسين بجلبابهم ...
- ريماس و هي تساسر ريم : هذا الجني اللي قلت لك عليه .
- ريم ما قدرت تمسك ضحكتها : هههههههههههههههههه .
سمعوهم فيصل و خالد ،، خالد ابتسم على جنب و ناظر فيصل ...
- قام فيصل يقلدها و يساسر خالد بصوت مسموع للبنات : ااااخخ يا ظهري ،، حشا مو رجل ،، صبة .
- خالد ضحك على تشبيهه : ههههههههههههههههههه حلللوة صبة .
- سمعته ريماس و انقهرت : يلا بابا قول المفاجأة ،، شرفوا الاخوان .
ضحك فيصل لما شافها انقهرت ( ههههههههههههه باقي مثل منتي يا ريماسوه بزرة خخخخخخخخ )
- ابو خالد : المفاجأة هذي تتعلق بفيصل .
- فيصل لف على عمه باستغراب : انااا !!!
- ريماس بصوت واطي لريم : ما ظنتي من ورى فيصل مفاجأة ،، الا مفاجعة .
- ريم : ههههههههههههههه اووشش لا يسمعك بابا .
- ابو خالد : ايه و انا عمك ،، جيتك غالية علينا .
- فيصل : والله انكم غااالين على قلبي ،، و انا جاي مخصوص اسلم عليك .
- ابو خالد : و عشان جيتك ،، ان شاء الله اليوم بعد المغرب بنروح المزرعة ،، نبات كم يو هناك و نستانس ،،
و الجمعه الصبح ان شاء الله نرجع نصلي الجمعه بالمسجد حقنا .
- ريماس لما سمعت كلام ابوها نست نفسها : هيياااااااااااا ،، وناااااااااسسسسه ،،
اول مررا يجي من تحت راسك يا فيصل شئ سنع .
- ابو خالد ما قدر يكتم ضحكته : ههههههههههههههه اجلسي يالمطفوقه .
- الكل : هههههههههههههههههههههههههههههههههههههه.
ريماس بعد ما استوعب اللي سوته طلعت طيرااااان لغرفتها و منها تتجهز .
- فيصل : والله يا عم ما ودي اكلف عليكم ،، ما يحتاج كلها يومين و راجع جدة .
- ابو خالد : لا كلافة و لا شئ ،، نبي نستانس مع بعض .
- ام خالد : طيب ،، منو جاي معنا .
- ابو خالد : محدن غريب ،، اخوي ابو نواف و رحيمه .
- ام خالد : اجل انا باقوم اجهز الاغراض .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فــي بيـــت ابــــــــــو نـــــــــــــــــــــــواف ....

- نوف : الله ونااااااااسة ،، طيب متى بنروح .
- ابو نواف : ان شاء الله بعد المغرب ،، بس اجي من الصلاة القاكم جاهزين .
- ام نواف : ان شاء الله .
- نوف : طيب كلمت خالي محمد ؟
- ابو نواف و هو يطلع جواله من جيبه : الحين باكلمه .

و اتصل على محمد ......
- ابو نواف : السلام عليكم .
- محمد : و عليكم السلام ،، هلا والله .
- ابو نواف : هلا فيك ،، اخبارك علومك ؟
- محمد : بخير نحمده ،، شخبارك انت .
- ابو نواف : تماااام ،، اقول تراك بتخاوينا .
- محمد : امر يابو نواف ،، على وين !
- ابو نواف : اسمع اليوم بنطلع مع اخوي خالد للمزرعة نبات هناك للجمعه ،،
و معنا بعد فيصل ولد اخوي عبدالملك ،، والله ان ابو خالد كلمني ملزززم تجي معنا .
- محمد : ان شاء الله ،، باكلم البنات و ارد لك خبر .
- ابو نواف : الا اكيد انك جاي ،، و البنات بيستانسون هناك بعد .
- محمد : اجل ان شاء الله ،، متى نطلع .
- ابو نواف : اليوم بعد المغرب .
- محمد : على خير .
- ابو نواف : يلا سلام .
- محمد : الله معك .

- نوف : هاااا بابا وش قال .
- ابو نواف : جاي معنا ان شاء الله .
- قفزت نوف فرحااانة : يلا انا رايحة اتجهز .
- ابو نواف : و انتي بعد يا ام نواف ،، قومي جهزي الاغراض .
- ام نواف : ابشششر .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

بـــيــــــــت مــــحــــمـــــــــــــــــــد .....

- محمد : خلاص ،، يلا قوموا تجهزوا لا نتاخر .
- ملاك : طيب بابا كم بنقعد .
- محمد : الجمعه راجعين .
- جنان : والله مالي نفس .. ( فكرها كان مشغول بالسي دي و سالفة الرمز السري اللي طلعت لها )...
- ملآك : ما عليه جنووون ،، بتستانسييييين حيييل ،، يلا قومي .
- جنان : طيب .
قاموا يتجهزون ...
راحت لغرفتها و بالها مشغول ( يووووه وش ذا الرمز اللي طلع لي بعد ،، شلون افتح الملف ،،
المشكله مابي اوديه لمحل عشان الشفرة ،،، مالي الا حل واحد ،، خاااااااالد ،، بس هو من طرف مازن ،،
خليني امشي معه بالسياسة و الفلووس يمكن ينفع ) ....
أخذت جوالها و بتردد .....

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عــــنـــــد مـــــــــــشـــاعــــــــــــل .....

كانت مقهوووورة بتمووووت من القهر ،، و من رجعت من الجامعه على ناااااار ما نامت ،،
تتصل على مازن و ما يرد .
- مشاعل بقهههر : رد يااااا زفت رد .
طوووط طووووووووط > لا رد ...
اتصلت اكثر من عشر مرات و ما رد ،، نايم الاخ و مو داري عنها .
- مشاعل : اوريك يا زفت .
و قامت لبست عبايتها ،، و هي طالعة ...
- امها : مشاعل ! على وين ؟
- مشاعل : ما تشوفين ،، طاااالعه .
- امها : بذا الوقت ،، عصر و الناس نايميين .و طنشتها و جات بتطلع ....
- امها : و اذا جا سعد و سأل عنك .
- مشاعل : قولي اي شئ ،، طالعه مع صديقتها .
و طلعت رايحة لشقة مازن .
دقت و دقت محد يرد ...
- مشاعل : وينه ذا ! اكيد يتهرب الحيوان .
( مازن نايم في بيت اهله و مو داري عنها )
بعدها راحت لستار بوكس تقهوت هناك و رجعت البيت ... و هي رايحة لغرفتها ..
- سعد : وييين كنتي حضرتك ؟
- مشاعل : ياااا ليييييييل البعااااريييين .
- سعد بصراخ :نـــعـــــــــم !!!
- مشاعل : كنت عند صديقتي وديت لها اغراض و رجعت .
- سعد : و بإذن مين ،، هاااااا ؟
- مشاعل : باذن نفسي .
سعد يصارخ عليها طنشته و راحت لغرفتها .. لف على امه ....
- سعد : شفتي نهاية دلعك لها ،، حتى احترام ما تحترم الوقحة ،، بس لو تخليني اربيها و اكسر راسهاكان مشت صح .
- امه : يمه لا تواخذها ،، تعبانة شوي من الجامعة ،، و حرام هي من بعد وفاة ابوك الله يرحمه و هي متغيرة ،،
نفسيتها تعبانة .
- سعد : والله محد خربها غيرك .
اخذ مفاتيحة و طلع من البيت .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

بــيـــــت ابــــــو خـــــــــــــــالـــد ....

- ابو خالد : يلاااا امشوووا تاخرنا ،، لازم نوصل قبلهم .
- خالد : يوووه الحريم يومهم بسنة .
- ابو خالد : والله انا رايح ،، خالد انت جيبهم ،، بروح انا و فيصل ،، شكلهم مطولين .
- خالد : ابشر ،، الله يعينني عليهم .
و راح ابو خالد و فيصل للمزرعة يجهزونها قبل يجوون ،، رجع خالد للبيت ينتظرهم ،،
بعد فترة طلعت ام خالد و البنات ...
- ام خالد : وين ابوك ؟
- خالد : راح مع فيصل ،، طولتوا يمه الله يهديكم ،، مابقي شئ على الاذان ،،
بيأذن و حنا بالطريق ،، يلا يلا مشينا .

في الطريق ..... وقف خالد عند اشارة ..
- خالد : بنات ،، ما تبووت شئ من السوبر ؟
- ريم : افااا عليك ،، ريماس تنسى ،، دابت معها كل شئ .
- ريماس : اييييييه حبيبتي ،، لزووم السسهرة .
- خالد : ههههههههههه اكيد و لا ما تكون ريماس ..
جاته رسالة على الجوال ،، فتحها و قرى اللي فيها ،، كانت من جنان كاتبة فيها ،،
( اعطيني الشفرة ،،، و لك ضعف المبلغ )،،
خالد انصدم من رسالتها ،، رجع يقراها اكثر من مرة ،، و تأكد من اسم المرسل ...
( وش سالفتها ذي ،، و اي شفرة !!!! لا تكون ملخبطة في المرسل ،، بس لا لا كاتبه المبلغ ......)
قطعه تفكيره صوت امه ،،
- ام خالد : خاااالد ،، علامك ،، الاشارة ولعت .
حرك خالد السيارة و الجوال في يده رجع للرسالة ..
- ام خالد : خالد اترك الجوال عنك ،، و انتبه للطريق .
حط خالد الجوال في الدرج و هو ساكت ....

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

بــيــت ابــــــــــو نــــــــــــــــــــــواف ....

- ابو نواف : يلا تأخرنا ،،، ابو خالد كلمني يقول وصلوا .
- نوف : بابا طيب بنمر بيت خالي .
- ابو نواف : لا ،، بنقابلهم هناك .
- ام نواف : بس محمد ما يعرف المزرعة .
- ابو نواف : انا وصفت له ،،،، يلا انا رايح السيارة ،، الحقووني .
- نوف : بابا انا بروح مع اخواني عند خالي .
- ام نواف : ليييه ؟
- نوف : ابي اركب مع البنات ،،، تشاااااوو ... و طلعت .
- ابو نواف : البنت هذي مرررة متعلقة ببنات خالها .
- ام نواف : تعرف وحيدة ،، وهم خواتها .
- ابو نواف : الله يحفظهم .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

ســيــــــــــــآرة نــــــــــــــــــواف .....

- نوف : نواف ترى انا ما جيت معك حبا فيك .
- نواف : داري ،، اختي و اعرفك هههههههههههههههه .
- نايف : اوووم المصااالح ،، ههههههههههههههههههه .
- نوف : مع نفسك انت و ياه .
- نواف : مع نفسي هاااا ؟ اجل شوفي منو بيوديك لخالي .
- نوف بانفعال : لا لا نايف بس مع نفسه ،، بعدين انت وش دراك اني ابي اروح لخالي ؟
- نواف : لا لا نايف اخوي ما ارضى عليه ،، مااااافي .
- نايف : ايييه يا بعدي ،، ههههههههههههههههه .
- نوف : لااااااا ،، خلاص خلاص انا اللي مع نفسي ،، بس تكفى وديني ،،
' و بمكر ' تدري ملآااااك ' شدت على الكلمة ' واااااحششتني ححييييييييل .
- نواف فهم عليها : ااامممم ،، طيب بس انتي بتقابلينهم في المزرعة .
- نوف : لا ،، ابي اركب معهم ،، هم ينتظروني عند الباب ،، يلا لا نتاخر عليهم .
- نواف : بس بس لا يكثر ،، خلاص بوديك .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

بــيــــت مـــحــــمـــــــــــــــــــد .....

- محمد : ملوووك ،، رووحي استعجلي اختك .
- ملاك و هي طالعه الدرج : اووووك .
دخلت على جنان الغرفة لقيتها سرحااانة و الجوال بيدها و ما قد لبست عبايتها ...
- ملاك شهقت : هههيييييييي ،، باقي ما لبستي ،، تاخرنا يلا .قامت جنان تلبس عبايتها ..
- جنان : خليهم ينزلون الصواني السيارة .
- ملاك : خلاص كل شئ جاهز .
نزلوا تحت ......
- جنان : وين بابا ؟
- ملاك : اكيد بالسيارة يلا نطلع .
طلعوا لقيوا ابوهم واقف مع نواف و نوف و نايف ...
- جنان : يووووه ،، نووف هناا .
- ملاك لفت بسرعه : نووووو .... سكتت لما شافت نواف .
- جنان بابتسامة على جنب : وشفيييييك ؟
- ملاك تبي تصرف قالت بصوت واطي : شكلها بتروح معنا .
- جنان : امشي بس .
و راحوا لجهتهم ....
- جنان : السلام عليكم .
- الكل : و عليكم السلام .
- نوف لفت على اخوانها : يلا تلقلعوا ،، خخخخخخخ .
- محمد : كشتي فيهم لما شفتي البنات ههههههههههههههه .
- نواف : انا قايلن لك ،، هالبنت مالها خاتمة .. ولف على البنات ..
- نواف : كيفكم يا بنات الخال ؟
- جنان : الحمدلله ،، كيفكم انتوا .
- ملاك بصوت اقرب للهمس : بخير .
- نواف و نايف : تمااااااام .
- نواف : يلا سلمنا العهدة ( و شفنا الحبايب ) ،، يلا رايحين .
ركبت نوف مع خالها ،،، و الشباب راحوا .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فـــي الســــيــــــــــارة .....

- ملآك : طيب بس عمك اللي جآي ؟
- نوف : يب بس .
- جنان : يوووه من زمان عن بنات عمك ،، حتى ملكة ريم ما حضرناها ،، كنا مسافرين .
- نوف : والله دايم يسئلون عنكم .
- لفت جنان على ابوها لقيته يحوس بالجوال قال بخوف : بابا اترك الجوال عنك و انتبه للطريق .
- محمد حز بخاطرة نبرة الخوف و هو عارف سببها : طيب ،، بس باتصل على خالك ،،
الظاهر اني ضيعت بالطريق .
- ملاك بغباء : يعني ضعنا ؟
- نوف : لا نسوي بروفة ،، وشرايك اكشن صح .

اتصل محمد على ايو نواف ،، و كلمه انهم ضيعوا بالطريق .....
- ابو نواف : خلاص بارسلك واحد من الشباب ،، خلك مكانك .
- محمد : خلاص ،، يلا انتظر ،، سلام .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

فـــي الاســــتـــــــــــراحـــة ....

- ابو نواف : خااالد ،، فيصصل .
- خالد و فيصل : هلا .
- ابو نواف : جا نواف و لا باقي ؟
- خالد : لا والله باقي ما وصل ،، امر وش بغيت ؟
- ابو نواف : رحيمي ضيع بالطريق ،، بالله واحد منكم يروح له .
- فيصل : والله ما معي سيارة .
- خالد : افااا انت الضيف بس لا تصدق نفسك ،، ههههههههههههههههههههههه ...
و قام : انا رايح له يا عم ،، بس هو وين ؟
- ابو نواف : عند محطة البترول .
- خالد : يلا سلام .
و قام طلع بسيارة يجيب محمد رحيم عمه صديق العيلة بـــــــــــــــــــــس ،، طبعا هذا اللي في بال خالد ......


•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•
انـــتــــــهــــــــــــى الــــــبـــــــــــــــارت الــــــــرابــــــــــــــــــــــع ..
•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•


توقيع » ĀmĵĀđ
  رد مع اقتباس
رد: أمـــآنـــةة لآتخ ــليني أحس إنك دفى سنيني..~
قديم 12 - 08 - 07, 07:13 AM   #12
ĀmĵĀđ
وتر متألق
 
الصورة الرمزية ĀmĵĀđ

 رقم عّضوَيًتِـيً » 28448  
 تاريخ آنظمآمي » 09 2010  
 مشآرٍڪْآتِي » 8,137  
 مواضيعي ْ »  
 نقآطيً » 116903  
 هوَآيًاتي » آلرسم بالكلمآت♥  
 مڪْآنيً » =♥  
 دولتي » Saudi Arabia
 جنسي » female
 حالتي » ĀmĵĀđ غير متواجد حالياً
افتراضي رد: أمـــآنـــةة لآتخ ــليني أحس إنك دفى سنيني..~


•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

( الـــــــــــــــبـــــــــــــــــارت الــــخـــــــــــآمــــــــــــــــس )

كَـآنـَـكـ يَـآ رُوح آمـُكـ شـَآيـفِـ(نْ) نـفـسْــكـ } رَبـْحـَـــآن ..!!
هَـهْـ آبـشـّـركْـ و بـَشـّـر الـمـَـامـَا انـّكـ } خـَـســْــَرآن ... ~

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

وقفت سيارة خالد جنب سيارة محمد ،، نزل محمد يسلم عليه .....
جنان كانت سرحانة تناظر للشباك ،، ما وعت الا على شهقت ملاك ...
- ملاك : هههيييييييييييي ،، نوووووف منووو هذا الخقه ؟
لفت جنان تناظر الشخص اللي تتكلم عنه ملاك .. تجمدت اطرافها ،، توقف تفكيرها ،، انشل لسانها ،،
الا قلبها طبوووووووووووول ،، كلمة مصدومة قليلة عليها ،، مفجوعة ما توفيها حقها ،،
جنان ( لا لا لا مو هو ،، مستحييييييييل ،، وش يجيبه هنا ،، لا لا يمكن يشبهه .....) بس انصدمت اكثر لما سمعت نوووف ....
- نوف : هذا خالد ولد عمي عبدالرحمن .
جنان ( لاااااااا ،، خالد عبدالرحمن ،، الا هووو هووو ،، لييييييش لييييييييييش ..... )
- ملاك : يااا ويلي يهههببببببلللل ،، مرررا رزة .
- نوف : ههههههههههه ادري ،، بس لا تحطين عينك عليه .
- ملاك : اصلا ما ابيييه .
- نوف بمكر تفهمه ملاك : اجل مين تبين ؟
- ملاك تبي تصرف : و ليش ما احط عيني عليه .
- نوف ( هههههههه يا حليلها تضيع السالفة ): ااامممم ،، مدري بس احسه غريب و تفكيره اغرب .
- ملاك : شلون ؟
- نوف : زي مثلا رفض يشتغل مع اعمامي بالشركة ،، و فتح له شركته و مشاريعه الخاصة .
جنان ( اكيييد غريب ،، و نذل و سافل كمان دامه مع مازن ،، لييييش يسوي كذا ،، ليييييييييييييش ،،
ليش ما علمني انه يعرفني هه لانه متأكد اني راح اعرف كذا و لا كذا ،، لا و بعد يبتسم لبابا ،، و هو يطعنه من الظهر ،،
باااباااا لا يكون بيستغل هالشئ لا لا لا كله الا باابااا ،، ياااا ربي ما اخلص من سالفة الا طلعت لي ثانية ،، بس انا اوريك يا خالد ،،
بعدك ما تعرف جنان ) >> [ يا حليلك يا جنان ما تدرين ان خالد مو عارف شئ اصلا ]....
تذكرت كرته فتحت شنطتها و طلعته قرات الاسم ،، ( يوووووه ما اغباااني ما انتبهت للاسم ،،
يعني هو اعطاني الكرت و لا همه اذا اعرف و لا لا !! )
رجع محمد للسيارة و مشى ..
- محمد : اقول نوف ،، فيصل ولد عمك جاي لوحده و لا مع اهله ؟
- نوف : لا لا لوحده .
جنان ( فيصل !!! ياا حبيبي كملت )..
طلعت جوالها و ارسلت ل خالد رسالة .....

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

سيارة خالد ...

فتح رسالة جنان كاتبة فيها ( بحياتي ما شفت اغدر منك يا نذل ،، تسلم على بابا و تبتسم له ،، و بظهره تسدد طعناتك )..
قرا رسالتها و هو مستغرب ..
( وش سالفتها ذي ،، ترسل رسايل غريبه ،، لا تكون ملخبطة )..
رجع ارسل لها .. طبعا الكلام بينهم رسايل ..
- خالد : ( وش سالفتك مع الرسايل هذي ؟! بعدين وش شفرته ،، و لا انا وش دخلني في ابوك ،، و كلامك مو مفهوم )
- ردت عليه جنان : ( انت اللي ليييش هذا كله ،، والله ما يشرفنا يا خالد انك تكون من عايلة ال........... )
- خالد و الى الان مو مستوعب شئ رد عليها : ( شنوووو ؟؟ وش دخلكم انتو فيني ! )
- ردت عليه جنان : ( اقول خلك في سواقتك لا تضيعنا مرة ثانية ،، و بعدين اصفي حسابي معاك )
- خالد انصدم من كلامها .. تضيعنا !! و سواقتي وش دراها اني اسوق و حسابها معي !!!! لاااااااا ،،
هذي بنت محمد الا هي وشلووون ،، و انا خاين و غدار !!! ليش تقول عني كذا ؟ هذا جزاء المعروف ؟؟
و وش قصدها باطعن ابوها بالظهر ،، ليش انا شسويت ! لا اكيد في الموضوع ان .. والله سالفتك سالفه يا جنان ،،
سبحان اللي بغيت ادورك و اوصل لك ،، و بالنهاية طلعنا قرايب .. بس لازم اتاكد ......

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عند مازن ...

صحي على المغرب ،، شاف اتصالات جنان و رجع كلمها .........
- مازن : خلاص ،، كلامي واضح ؟
- مشاعل : بس.....
- مازن : لا بس و لا شئ ،، انا خربت كل شئ فا خليني اصلح اللي خربته ،، اسمعي كلامي و ما بتندمين .
- مشاعل باستسلام لانها مقتنعه باللي قاله مازن : طيب نشوف .
- مازن : طيب هاااا وش رايك تدورين لنا نواعم جدد .
- مشاعل : يوووه مالي خلق .
- مازن : هااااااا ترى ......
- قاطعته مشاعل : خلاص ،، اووووف طيب اصبر اسبوعين اضبط الوضع .
- مازن : لا لا كثييييييير .
- مشاعل تبي تقنعه : مو تبي شئ يستااهل ؟
- مازن : اذا تستاهل ما عندي مانع ،، بس لو طلع العكس يااا ويلك ،، هههههههههههههههه .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

وصلوا للمزرعة ،،،،

فسخوا البنات عباياتهم على صفير ريماس ..
- ريماس تصفر : الله الله وش الجمال هذا ،، على فكرة جنان غطت على ابو جدنا هههههههههههه ،،،
يا اسووود يا سوااااد اللييييل ...
- ريم و هي جاية جهتهم : ياااا اسووووود ..
سلمت على البنات .....
- جنان : هههههههههههه ،، احرجتو تواضعي .
- نوف بمزح : اقول لا تصدقين نفسك خخخخحخخ .
- جنان بغرور و حركة تمثيلية : يحق لي دامني جنان بنت محمد .
- ريماس : اقول يا يحق لي يلا مشينا داخل .

ملابسهم و اشكالهم باختصار ..........
( جنان كانت لابسه فستان اسود قصير من ديور فخم جدا و موديلة روعة و عليه بروش الماس و طالع جسمها ووااااااوو ،،
فاكة شعرها و مسوية تسريحة ناعمه و حاطة ميك اب خفيف و روج احمر ناري و كانت قمممه الروووعة )..
( ملاك لابسة تنورة قصيرة مشجرة و بلوزة سماوي من دبنهامز و فاكة شعرها طالع شكلها مررة كيووووت )..
( نوف لابسه بنطلون سكيني رمادي و بلوزة فوشيه و حاطة روج فوشي طالعه قمر )..
( ريماس لابسة فستان احمر قصير علاقي و مسرحة شعرها و حاطة روج احمر كانت تهببببببل )..
( ريم لابسة بنطلون ابيض و بلوزة مشجرة ابيض و اسود و وردي و حاطة مكياج خفيف و روج وردي طالعه حلللوة )..

دخلوا و سلموا على الحريم ...
- ام خالد : بسم الله ما شاء الله والله و كبرتوا يا بنات محمد و صرتوا عرايس .
- ريماس باستهبال : اهم شئ عندك عرسان لهم !
- ام خالد و هي تناظر جنان باعجاب : العرسان عن بابهم طوابير ههههههههههههههه ،، بس قولي انك انتي اللي تيين العرس .
- ريماس : ههههههههههههههه تلقطينها و هي طايرة .
- نوف : افااااا عليييك عندي لك واحد لئطة ،، بس عسى يوافق عليك .
- ريماس : و ليش ان شاء الله ما يوافق ،، غصبن عنه .
- جنان : ههههههههههههههههههههه الله يخلف لك يا خالة على بنتك .
- ام خالد : ما عليك غاسلة ايدي منها ،، اول عريس باكلفتها معه .
- نوف : لا لا ريماس ما تاخذ اي واحد ،، اذا ما خذت راجو سواقنا و لا بلاش .
- الكل : ههههههههههههههههههههههههههههههههههههههه.
- ريماس : يااا حياااتي ،، و لا تزعلين ترى حتى سواقنا اعزب خذيه احسن لك ،، عشان ما نرجع البيت الا اخر الليل .
- جنان : هههههههههههههههههههههه لا والله عينا خير .
جاهم صوت من عند الباب : يااااا ولد .
- ام خالد : ايوه خالد ،، هلا يمه وش بغيت .
جنان باللحظة هذي استوعبت اللي يصير ،، هي مو مصدقه انها هي و ياه في مكان واحد ،، تكرهه كره ما ينوصف
امكن اكثر من مازن ،، تحس انه خاين طعنها بالظهر ،، اما مازن من اول و هي عارفه نواياه ....
- خالد : يمه العشاء ،، طريق بس عشان ندخله .
- ام خالد : دقيقة بس ..... و لفت على البنات .. تغطوا بيدخلون .
- نوف : لا بندخل الغرفة ،، طرحنا ......
- قاطعتها جنان : ريماس حبيبتي جيبي العبايات .
قامت ريماس تجيبها ... جنان كانت مستقصدة تبي تشوفه هو خالد و لا لا .. ( هذا كيف ما يخاف على شرف و سمعة العيلة ،،
دامه صديق مازن اكيد ما يهمه هه)
دخلوا الشباب العشا ،، و هو طالعين خالد طاحت عينه على جنان كانت ملثمة و تناظرة بحقد و تكبر و تساؤل صدت بوجهها عنه ،،
ابتسم لها ( يا لبيييه هالعيون ،، بس ليش نظراتها كذا ،، مو هذي النظرات اللي واعدتني بها في المطار ،، والله غريبة هالانسانة )..
جنان ( له وجه بعد يطالع ،، بلا في شكله بس احس نظرته غير هالمرة )..
قاموا البنات يجهزون العشاء ...

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عند الرجال بعد العشاء ...

- خالد : و هذي كل السالفه يا طويل العمر .
- فيصل بعدم استيعاب : يعني هذا الشخص الواقف قدامي ابو جنان ،، هذيك اللي في دبي !!!
- خالد : اييييه نعم .
- فيصل : يالله ،، شفت كيييف ،، سويت الخير و طلع في اهلك .
- رد له خالد بابتسامة عريضة و تفكيرة راح لبعييييييييد ...
- فيصل : ممكن اعرف وش سر هالابتسامة ؟
- خالد : كل شئ بوقته حلوووو .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عند البنات .....

- ريماس و الجوال بيدها : بنات ،، وشرايكم نلعب بالدبابات ؟
ما عطتهم فرصة يتكلمون كلمت خالد ...
- ريماس : خلوووووودي .
- خالد : يا نعم .
- ريماس : حبيبي أخويه .
- خالد : وش تبين ؟
- ريماس بتمسكن : حراااااام البنات هنااا طفشانااات .
- خالد : و المطلووب ؟؟
- ريماس : نبي نلعب بالدبابات .
جا بيرد بس سمع ....
- جنان بصوت هامس ل ريماس : لا لا ،، خليها بكرة احسن مالنا خلق الحين .
- ريماس : الا و انتي اول وحدة .
و رجعت تكلم خالد .....
- ريماس : يلا ننتظرك .
- خالد : لا لا بكرة .
- ريماس : لا والله مو بكيف جنان .
( جنان هنا تجمدت يعني خالد سمعها و يبي يسوي فيها مهتم ،، و الاخت ريماس بعد طينتها زيادة )
- خالد يصرف : مين جنان ؟ و بعدين باخليهم يفحصونها اول امكن فيها خراب و لا شئ .
- ريماس بطفش : طيب ..... و قفلت .
- جنان بحنية : زعلتي ؟
- ريماس بابتسامة : لا عادي ،، اصلا يقول بيفحصونها .
- جنان : ااااممممم طيب ما تبون تورونا مزرعتكم !
- نطت ريماس واقفه : افااااا عليك و انا اخت خالد ،، قومي بس الف فيك المزرعة زنقه زنقه .
- ملاك و نوف : بيت بيت ،، دار دار ،، ههههههههههههههههههههههههههههههههه .
- جنان تكدر خاطرها من طاري خالد : طيب يلا قوموا .
قاموا البنات طلعوا و تمشوا في المزرعة ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عند الرجال .......

- فيصل : اقول خالد وش صار في الخيول حقتك ،، باقي هنا في المزرعة ؟
- خالد : ايه ،، قريب ان شاء الله انقلها .
- فيصل : لوييين ؟
- خالد و هو يغمز له : مفاجأة .. وش رايك نروح لها .
- فيصل : ما عندي مانع .
- خالد قام : اجل مشينا .

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عند البنات .....

- ريماس : و في هذيك الجهه استطبلات الخيول .
- ملاك : ايوووااااا جينا للخيول ،، عاد جنان فااارسة .
- ريم : جد .
- نوف : يب يب و بعد عندها مهرة .
- ريماس : حلوووو ،، طيب يلا نروح هناك .
راحوا البنات جهة الاستطبلات ،، و الشباب اصلا كانوا بالجهة الثانية للاستطبلات .
- جنان : وووااااااوووو انا عشقي الخيول ،، مررا استطبلاتكم روعة صراحة .
- ريم : خالد اللي مسويها ،، اصلا اغلبها خيول خالد ،، هو مررة يحبها و يهتم فيها .
- ملاك : عندنا و عندكم خير ،، ههههههههههههههههههههههههههههههههه >> تقصد جنان و خالد انهم الاثمين يحبون الخيول .
- جنان ( يوووه ،، هذا لاحقني في كل سيرة و ديرة ،، ماعلي منه ،، انا جاييه استانس ) ..
- ريماس : جنااان ،، تعال هنا بوريك شئ .
راحت جنان لجهتها ،، بالجهة ذيك كانوا الشباب مررا قريب .
- ريماس : شوفي هذي خيل اصيلة ،، و ااممم اتوقع احسن خيل عندنا على كلام خالد .
- جنان ( يووه من خالد ذا ،، مرررة مسوي فيها ) ناظرت الخيل باعجاب : وااااضح انها اصيلة بصراحة ،، مرة عجبني .
- ريماس بتردد : شوفي بما انك فارسة و تحبي الخيول راح اخليك تركبينه ،، بس مو الحين .
- جنان : لييييش ،، و ليش هذا بالذات ؟
- ريماس بمكر : تركبينه اذا ناموا الرجال ،، و خاصة خالد .
- جنان ناظرت ريماس باستغراب ..
- ريماس : لان هذا خيل خالد ،، و لو ركبتيه شوفي اتوووقع يعني مو اكيد .
- جنان بطفش و هي تناظر الخيل : ايييييش ؟
- ريماس : يكسر رجولك .
- جنان ( يخسى ) : يوووه لهالدرجة ؟
- ريماس : و اكثر بعد ،، لانه يحبه مررة و متعلق فيه مررا حتى الخيل يمكن ما يرضى تركبينه .
- جنان بتحدي ما تدري وش سببه : و اذا ركبته ؟
- ريماس : وشلووووون ؟
- جنان : في الفجر وش رايك ،، انا و انتي و طبعا الكل نايم ،، محد دري .
- ريماس متحمسة : اوووكي ،، بس ترى انتي اللي بتتحملين المسؤولية .
[ يا حليلكم ،، ما تدرون ان اللي ما تبونه يدري سامع كل كلمة قلتوها ] ..
تمشوا البنات شوي في المزرعة و بعدها رجعوا ..
- ام نواف : وين كنتوا ؟
- نوف : تمشينا شوي في المزرعة .
- ام خالد : طيب احنا طالعين .
- ام نواف : و ترى احنا قسمنا الغرف ،، نوف و ملاك و جنان بغرفة ،، و ريم و ريماس بغرفة ،، و انا و ام خالد بغرفة .
- ريماس بسرعة : لا لا ،، انا ابي مع جنووونه ،، واحشتني من زمان عنها .
- جنان بابتسامة عارفة قصد ريماس : خلاص راح اجي انام معك .
- ريم : عادي انا بانام مع ملاك و نوف .
- ام خالد و ام نواف و هم طالعين الدرج : يلا تصبحون على خير .
اما البنات قعدوا سهرانين على الافلام و المسلسلات ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عند الرجال ....

- محمد : يلا تصبحون على خير ،، لو جلست معكم ما بتخلوني انام للصبح .
- فيصل : روح نام مع الشيبان ،، ههههههههههههههههههههههههههه .
- خالد كان سرحان : و انت من اهله يابو ؟؟؟
- محمد بفخر : ابو جنان ........ و راح .
- فيصل : ما تحس انه قال ابو جنان بفخر و تكبر .
- خالد ( يحق له والله ) : ايه .
- فيصل : ياخي مستغرب .
- خالد : شنو ؟
- فيصل : مدري بس عمي محمد ما شاء الله مو باين انه كبير بالسن و على كذا مررا وسيييم ،، و راعي شركات و حلال .
- خالد باستغراب : طيب ؟؟
- فيصل : ليش ما تزوج ؟ يعني زوجته من زمان متوفيه .
- خالد : ايه والله ،، بس امكن عشان بناته .
- فيصل : على طاري بناته ،، وش بتسوي ؟
- خالد بمكر : خليني اشوف نهايته تحديها ،، تستغفلني هه .
- فيصل و هو يتلحف : انت بنام ،، تصبح على خير .
- خالد : و انت من اهله .
- خالد ( يا ليييل هذي وش سالفتها ،، ليش قلبت علي فجأة ،، و رسايلها ،، يووه ليش اتعب نفسي .... )
قام و ارسل لها ... ( الحين فضيت ،، ممكن افهم وش سالفتك !! و لا تنسين باقي ما خلصنا موضوعنا ) ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

جنان كانت سهرانة مع ريماس ...
قرأت رسالة خالد ... و ردت عليه ( سالفتي و لا سالفتك ؟ ترى خلاص يا خالد كشفتك فا ماله داعي تكمل لعبتك ،،
و الموضوع الشفرة تعطيني اياها و انتهينا ) ..
- رجع رد عليها خالد : ( وش اللي كاشفتني ؟ و اي لعبة ؟ و شفرة شنو اللي تتكلمين عنها ! عن جد مو فاهم شئ ) ..
- جنان ( يستهبل ،، هههههههههههههه هين يا خالد ،، راح اواجهك و اشوف كيف راح تكذب )
ردت عليه : ( والله ما توقعتك تغدر فيني ،، وثقت فيك بس منت بكفوو ،، مدري شايفني غبية انت و مازن ،،
هه بعدكم ما عرفتوا جناااان )..
- ريماس : جنوووون ،، ساحبي علي و تطقطقين بالجوال ؟
- جنان : دقيقة حبيبتي .
- رد عليها خالد : ( اغدر فيك !!! هذا جزآي ساعدتك ،، تقولين اغدر فيك !! و بعدين وش دخلني في مازن ؟ )..
- ردت عليه جنان : ( لا تقول ساعدتك ،، لان هذي لعبتك انت و مازن ... ) ..
- رد عليها خالد : وشلون لعبتي انا و مازن ؟؟ مو فاهم عليك ! ) ..
- ردت عليه جنان : ( انا افهمك ،، كنت راجعه اعطيك الشيك في المطار لاني نسيت منه ،،
و الحمدلله اني سمعت كلامك انت و فيصل ،، اذا على الفلوس عادي اعطيك الدبل مقابل الشفرة ،، اما انااااا ،،
فابشرك عمرك ماراح توصل لي يعني اعتبر نفسك خسرااااان ) ..
انتظرت رده ،، بس ما رد عليها ...
- جنان ( اكيد ما بيرد ،، دامني كفشته ،، هه اوريك ) ..

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عند خالد ....
( وش تقول ذي ،، لا لا لا يا رب سترك يا رب ما سمعت كل الكلام ،، اكيد مو كله ،، لانها فهمت الموضوع غلط ،،
تفهمه غلط و لا انها تسمع كلامي هذا اهم شئ ،، بس لازم افهمها ،، وشلوووون ماراح تصدقني ،، وشلون يا خالد وشلون !! ) ...

•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•

عند جنان ....
قعدت تطقطق بالجوال و انتبهت للساعة ،، لفت على ريماس و شهقت ...
- جنان : هههييييييي ،، ريماااسووه نمتي !! قوومي يلا الساعة ٦ قوومي ،، وين اللي بتخاويني ،، مالت علييييك .
حاولت تصحيها لكن لا حياة لمن تنادي ...
- جنان ( خلاص خليني انام ،،، اووف لا لا بروح ،، ما راح يجيني النوم الا لما اركبه ،، عادي الكل نايم ماعلي خوف ) ..
قامت بسرعة و غيرت ملابسها و اخذت طرحة معها و جوالها و طلعت ...
لبست بنطلون اسود جلد و بدي ابيض و جاليه صغير اسود >> عشان تركب الخيل ..
وصلت للاسطبلات المكان كان شوي بعيد ،، ناظرت يمين يسار مافي احد ،، نزلت طرحتها على كتوفها ..
الجو كان مررراا روووعة على الفجر ..
راحت جهة خيل خالد و لمسته ،، ( والله ما يستاهلك خالد ) ..
كان الخيل مررا عاجبها ،، جات تركبه في البداية واجهت صعوبة كان رافض ،، بس داعبته و بالاخير قدرت تركبه ..
( خليني اروح جهت الاشجار ،، احسن عشان محد يشوفني )..
كانت تتمشى بين الاشجار و تلعب بشعر الخيل و هي سرحانة ... ما وعت الا على .......
- : والله برااافووا عليييك ،، قول و فعل يا بنت محمد .
لفت على مصدر الصوت ،، تجمدت مكانها بغت تميح بس مسكت نفسها ..
كان خالد متكي على الشجرة و يدينه في جيبه و ميل راسه ..
رفع راسه ناظرها شافها مبلمة ...
- جنان ( يممممه جججني ،، وش جابه ذا ،، المفروض يكون نايم ،، لا تكون ريماس ،، لا لا لا ما تسويها ) ..
- قال بابتسامة على جنب : و لا احد يتجرأ و يركبه .
- جنان باقي مصدومة بس من نظراته نطقت : انت قلتها و لا احد ،، و انا مو اي احد ،، انا جناااااااااااااااااااااان .
ناظرها خالد مستغرب من ردة فعلها ،، بس اللي استغرب منه اكثر ،، انها حركته الخيل و خلته يركض تبغى تعدي من جنبه ..
و بحركة سريعة وقف خالد قدام الخيل ،، و طبيعي الخيل راح يوقف قدام صاحبه اللي هو خالد .. جا يتكلم و هو يناظرها ..
- قاطعته جنان باستحقار تبي تحسم الموقف : انت كيف تناظرني كذا !! نزل عيووونك بلا في شكلك مو شايفني كاشفه .
- خالد ناظرها باستحقار اكثر يبي يرد الصاع صاعين : لا ،، شايف الطرحة على كتوفك ،، و انتي اللي ما تبين تتغطين .
استوعبت جنان و بسرعة رفعت الكرحة على شعرها و بطرف يدها لثمة ،، و جات تمشي .
- خالد : على وييين ؟
- جنان بطفش : رااااجعه .
- خالد : الظاهر انك ناسيته انك على خيلي !!
ناظرته جنان باستغراااب يعني > والمطلووب ؟؟
- خالد : يعني لو سمحتي انزلي .
- خالد بعفوية : نعم نعم ؟؟
- خالد لف وجهه و ابتسم : سمعتي كلامي .
جنان تبي ترجع بسرعة ،، خايفه احد يشوفها و لا شئ ،، نزلت و ركب خالد الخيل ..
جت راجعه مشي ،، بس وقفها كلام خالد ...
- خالد : الحين وش بيقولون عنك لو شافوك راجعه وحدك من مكان بعيد ؟؟
وقفت جنان و شدت على يدها ( يووه مااا فكرت فيها ) ,. لفت عليه ..
- جنان : طيب انزل خليني ارجع '' و بسرعة قالت '' اووه صح نسييت انت ما يهمك شرف العيلة ،، شلون بتهمك ذي .
خالد هنا انصدم من كلام و نبض عرق في رقبته من كلامها كان قووووي .
- خالد يحاول ما يبين تاثره من كلامها ،، و يبي يسحبها بالكلام
عشان يعرف هي بالضبط وش سمعت : مو تقولين تبين تصفين حسابك معي،، يلا الحين قولي وش عندك ؟
- جنان باستحقار : هي كلمة وحدة ،، كم شفرة السي دي ؟
- خالد : الشفرة ؟ وش دراني اناااا .
- جنان : لا تستهبل على راسي خلاااااص لا تكمل لعبتك انت و مازن .
- خالد : و الدليل اني مع مازن ؟؟
- جنان بثقة : سمعت كلامك انت و فيصل بالمطار .
- خالد : ايوة صح ،، وش صار على الصفقة الاخيرة اللي بدبي ؟
ناظرته جنان باستغراب ،، وش دخل الموضوع ذا الحين ؟؟
- خالد : من اللي ربحه ،، شركة اعمامي و لا مين ؟
- جنان : لا ،، واحد مشارك معهم .
- خالد : اجل يوووه ،، خسرتوا المبلغ و الصفقه .
جنان تناظرته و ضغطها مرتفع وش دخل ذا الكلام الحييين !!
- خالد : وشفيك مستغربه ! مو تقولين سمعت كلامك مع فيصل .. هذا هو كلامي مع فيصل ،،
بس انتي جيتي على نهاية الكلام و فهمتي كل شئ غلط .
ناظرته جنان بشك و عدم تصدييق ...
خالد لما شاف نظراتها ،، نزل لها و هو خايف من رجة فعلها ،، وقف قدامها و ناظر عيونها ،،
و كانه يبيها تشوف صدقه من عيونه ...
- خالد : الله يسامحك ظلمتيني ،، فكري فيها ،، اول شئ هذا شرف العيلة شرف تعرفين يعني شنو شرف
الرجال عنده كل شئ يهون الا الشرف يا جنان ،، ثانيا والله واللي خلقني ان الموضوع اللي كنت اكلم فيه فيصل
هو موضوع الصفقه والله ،، ثالثا انا ساعدتك لانك مثل اختي و عشان خاطر ابوووك
'' كذاب اصلا ما كان يعرف انها تقرب له من الاساس ،، بس يبي يقنعها '' فهمتي الحين ،،
و السي دي بيدك و الشفرة وشدراني عنها اذا اصلا ما اعرف اللي بالسي دي باعرف الشفرة !! ،،
و اذا على الفلوس انا اصلا مابيها بس عشان ما تشكين ليش ساعدتك فقلت لك مقابل فلوس ،،
و كل اللي ابيه محد يدري بالموضوع غيرنا عشانك انتي مو عشاني ،،
و اتمنى ما تنسين وعدك لي اني اشوف ايش اللي بالسي دي ،، ' بابتسامة على جنب ' اتوقع دليلي اقوى من دليلك ..

مشى و خلاها في دوامة افكارها .. و قلبها طبووووووول .. عقلها متوقف حتى مو عارفة ترد ..
- خالد و هو يمشي و معطيها ظهره : اركبي الخيل و ارجعي بسرعة قبل يصحون ..
بدون تفكير نفذت كلامه و على طول على الفله ........
اما خالد رجع الفله مشي و هو يدعي ربه انها تقتنع بكلامه ( يااا رب .. ما اقدر اقولها كل شئ ،،
بس اقدر اسوي حاجة ،، الله يقدرني عليها ) ... نام و هو يفكر شلون يوصل للي يبيه ...........


•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°•
انـــــتــــــــهـــــــــــــــــــــى الــــبـــــــــــــــــــارت الــــخــــــآمـــــــــــــــس
•°•°•°•°•°•°•°•°•°•°•°•°•°•°•°•°•°•°•°•°•°•°•°•°•° •°•°

توقيع » ĀmĵĀđ
  رد مع اقتباس
رد: أمـــآنـــةة لآتخ ــليني أحس إنك دفى سنيني..~
قديم 12 - 08 - 16, 12:06 AM   #13
dark angel
مشرفةة القصص و الروايات ♥ ~
 
الصورة الرمزية dark angel

 رقم عّضوَيًتِـيً » 39462  
 تاريخ آنظمآمي » 05 2011  
 مشآرٍڪْآتِي » 5,554  
 مواضيعي ْ »  
 نقآطيً » 286988  
 هوَآيًاتي » Nothing  
 مڪْآنيً » Here  
 دولتي » Syria
 جنسي » female
 حالتي » dark angel غير متواجد حالياً
افتراضي رد: أمـــآنـــةة لآتخ ــليني أحس إنك دفى سنيني..~

تابعي ي بططلةةة ^^

توقيع » dark angel
أنَا صديقّة الطيبين والبسطاء ​، والذين يزرعون مابينَ كلّ خيبَة وأخرى : فرحاً كبيراً !
  رد مع اقتباس
إضافة رد

مواقع النشر (المفضلة)

الكلمات الدلالية (Tags)
مآبي, أمـــآأإنةة لآتخليني أحسس إنكـ دفـــاآ لسنيني..!, أمـــآنـــةة, ليس, خفي, سنيني, ــليني, إنك

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة


RSS RSS 2.0 Feed XML MAP HTML

الساعة الآن 04:48 AM


Powered by vBulletin® Copyright ©2000 - 2018, Trans. By Soft
Adsense Management by Losha
جميع آلمشآركآت آلمكتوبه تعبّر عن وجهة نظر صآحبهآ , ولا تعبّر بأي شكل من آلأشكآل عن وجهة نظر إدآرة مملكة الآإوتآإر
This Forum used Arshfny Mod by islam servant

تم أرشفة منتديات مملكة الاوتار بواسطة شركة كل الحكاية

  تصميم بكسل مول